Цаг үе
Төрийн банкны харилцагчид БНСУ-ын 70 гаруй эмнэлгээр хөнгөлөлттэй үнээр үйлчлүүлэх боломжтой боллоо
Дундаж давхаргыг дэмжигч Төрийн банк 2022 оноос эхлэн харилцагчдынхаа эрүүл мэндийг дэмжих, эрүүл мэндийн болзошгүй эрсдэлээс урьдчилан сэргийлэх, багц үзлэг шинжилгээнд хамрагдах дадлыг дэмжих зорилгоор “Эрүүл иргэн” хадгаламж, “Эрүүл иргэн” картын бүтээгдэхүүнүүдийг зах зээлд нэвтрүүлсэн. Улмаар дотоодын болон Олон улсын эмнэлгүүдтэй хамтран ажиллах гэрээ байгуулж харилцагчдадаа тэдгээр эмнэлгүүдээр хөнгөлттэй үнээр үйлчлүүлэх боломжийг олгосоор байгаа билээ.
Тэгвэл энэ удаа иргэд, харилцагчдынхаа үйлчлүүлэх эмнэлгийн хүртээмжийг нэмэгдүүлэх зорилгоор БНСУ-ын Сөүл хот дахь “Medical Advice” эмнэлэг зуучлалын байгууллага болон “Dearim Saint Mary’s” эмнэлэгтэй “ХАМТРАН АЖИЛЛАХ ГЭРЭЭ”-г үзэглэлээ.
“Medical Advice” эмнэлэг зуучлалын байгууллага нь БНСУ-д үйл ажиллагаагаа явуулдаг 1-3 дугаар шатлалын нийт 70 эмнэлэгтэй хамтын ажиллагаатай байдаг бол “Dearim Saint Mary’s” эмнэлэг нь сүүлийн 50 гаруй жил тасралтгүй үйл ажиллагаагаа явуулж буй хөх, бамбай булчирхай, хоол боловсруулах эрхтэн тогтолцоо, тархи, мэдрэл, нуруу үе, мөчний багц үзлэгээр нарийн мэргэшсэн мэргэжлийн эмнэлэг аж. Төрийн банкны “Эрүүл иргэн” хадгаламж, “Эрүүл иргэн” карттай харилцагчид эдгээр эмнэлгээр 20 хүртэлх хувийн хөнгөлөлттэй үнээр үйлчлүүлэх боломжтой болж байгаагаараа онцлог юм.
Төрийн банкны “Эрүүл иргэн” хадгаламж, “Эрүүл иргэн” карт эзэмшигчид дотоодын таван эмнэлэг, БНСУ-ын нэр бүхий 70 гаруй эмнэлгээр хөнгөлөлттэй үнээр үйлчлүүлж, эрүүл мэндийн үйлчилгээ авах нөхцөл бүрдээд байна .
Харилцагч та дээрх хоёр бүтээгдэхүүний талаар дэлгэрэнгүй мэдээллийг Төрийн банкны орон даяарх 500 орчим салбар нэгж, албан ёсны сошиал сувгууд болон 1800-1881 дугаараас авах боломжтой.
Цаг үе
Төвөдийн гамшиг мөсөн голын хагарал, хөрсний гулгалтын дараалсан үйл явцаас үүдсэн байна
Хятадын холбогдох байгууллагууд Төвөдийн Жирон боомт орчимд их хэмжээний хохирол учруулсан үер, хөрсний гулгалтын шалтгааны талаарх урьдчилсан дүгнэлтийг танилцуулжээ.
Хятадын Шинжлэх ухааны академийн Чэндугийн Уулын аюул, байгаль орчны хүрээлэнгийн судалгааны баг хиймэл дагуулын тандан судалгааны мэдээллийг газар дээрх ажиглалт, хээрийн судалгаатай тулган шинжилсэн байна.
Судлаачдын дүгнэлтээр наймдугаар сарын 26-ны Бээжингийн цагаар 10:52 орчимд Балбын нутагт, далайн түвшнээс 5200 метрийн өндөрт мөсөн голын хэсэг хагарч, их хэмжээний мөс, хад чулуулгийн нуранги үүсжээ.
Нуранги өндөр уулын энгэрээр маш хурдтай уруудахдаа хөрс, хад чулууг хаман, 4000 метр орчмын өндөрлөгөөс эхлэн том хэмжээний хөрсний гулгалт үүсгэсэн гэж үзсэн байна.
Улмаар мөс, хөрс, хад чулуу болон усны асар их масс уулын хөндийгөөр 22 км орчим уруудан, далайн түвшнээс 1800 метрийн өндөрт орших Хятадын Төвөдийн Жирон боомтод хүрчээ.
Гамшгийн улмаас Жирон орчмын 0.7 хавтгай дөрвөлжин километр орчим талбай өртөж, 27 барилга байгууламж болон тэдгээртэй холбоотой тоног төхөөрөмж бүрэн сүйдсэн гэж судалгааны баг мэдээлсэн байна.
Ийнхүү Хятадын эрдэмтэд наймдугаар сарын 26-нд болсон гамшгийг энгийн борооны үер бус, өндөр уулын мөсөн голын хагарал → мөс, хадны нуранги → хөрсний гулгалт → хүчтэй үер гэсэн дараалсан үйл явцын үр дагавар гэж дүгнэжээ.
Цаг үе
Аюулт үзэгдэл, ослын 69 удаагийн дуудлагаар 13 иргэний амь насыг авран хамгааллаа
Дуудлагын дагуу төв, орон нутгийн Онцгой байдлын байгууллагын алба хаагчид үүрэг гүйцэтгэж, 13 иргэний амь насыг авран хамгаалж, утаажилтын бүсээс 21 иргэнийг гаргаж, тусламж үйлчилгээ үзүүллээ.
Нийт дуудлагын 52 нь обьектын гал түймэр, нэг нь ой, хээрийн түймэр, нэг нь үер, гурав нь биологийн гаралтай аюулт үзэгдэл, 12 нь хүний үйл ажиллагаатай холбоотой ослын дуудлага байна гэж Онгой байдлын ерөнхий газраас мэдээллээ.
Цаг үе
Өнөөдөр сондгой дугаараар төгссөн тээврийн хэрэгсэл хөдөлгөөнд оролцоно
Хичээлийн шинэ жилийн бэлтгэл, Олон улсын COP17 хуралтай холбогдуулан наймдугаар сарын 15-ны өдрөөс есдүгээр сарын 12-ны өдрийг дуустал хугацаанд 07:00-21:00 цагийн хооронд автомашиныг улсын дугаарын тэгш, сондгойгоор ангилан замыг хөдөлгөөнд оролцуулах зохицуулалт бүсчлэл харгалзахгүй, нийслэлийн төвийн зургаан дүүргийн хэмжээнд хэрэгжиж байна.
Сондгой тоогоор төгссөн бол: 8-р сарын 31, 9 дүгээр сарын 3, 5, 7, 9, 11-нд хөдөлгөөнд оролцоно.
Тэгш тоогоор төгссөн бол: 9 дүгээр сарын 2, 4, 6, 8, 10, 12-нд хөдөлгөөнд оролцоно.
Улсын дугаарын тэгш, сондгойгоор ангилан хөдөлгөөнд оролцуулах зохицуулалт 07:00-21:00 цагийн хооронд хэрэгжих бөгөөд бүсчлэл харгалзахгүй, нийслэлийн төвийн зургаан дүүргийн хэмжээнд шийдвэр үйлчилнэ.
Харин маргааш буюу 9 дүгээр сарын 1-ний өдөр нийслэлийн хэмжээнд автомашины дугаарын хязгаарлалт үйлчлэхгүй.
.jpg?w=1000)
-
Улстөр нийгэм2023/12/27
БСШУСБХ: Нийтийн биеийн тамир, спортыг хөгжүүлэх асуудлаар уулзалт зохион байгуу...
-
Цаг үе2024/09/26
Улаанбаатарт өдөртөө 21 хэм дулаан
-
Цаг үе2026/03/26
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
-
Шударга мэдээ2026/04/08
А.Баяр: Хулгайлах болон хүний эрүүл мэндийн халдашгүй байдлын эсрэг гэмт хэргийн...