Төрийн банк нь 2020 оноос хойш “Дундаж давхаргыг дэмжигч, Үндэсний тэргүүлэгч банк” байх зорилт тавьж, нийгмийн дундаж давхаргыг дэмжих, иргэдийн санхүүгийн болоод эрүүл мэндийн боловсролыг нэмэгдүүлэх банкны цогц хөтөлбөрийг шат дараатай хэрэгжүүлсээр ирсэн.
Төрийн банк “Эрүүл амьдралын жигүүр” ТББ-тай хамтран харилцагчдадаа эрүүл мэндийн хуримтлал үүсгэх, эрт илрүүлгийн багц шинжилгээнд хөнгөлөлттэй нөхцөлөөр хамрагдах боломжийг бий болгох зорилгоор “Эрүүл иргэн” хадгаламж, картыг зах зээлд нэвтрүүлсэн.
“Эрүүл иргэн” хадгаламж болон картыг идэвхтэй ашигладаг харилцагчдадаа эрүүл мэндийн үйлчилгээнд хөнгөлөлттэй нөхцөлөөр хамрагдах эмнэлгийн хүртээмжийг нэмэгдүүлэх зорилгоор “Мөнгөн гүүр” эмнэлэгтэй хамтран ажиллах гурван талт гэрээг Төрийн банкан дээр үзэглэлээ.
Үндэсний хөрөнгө оруулалттай Магадлан итгэмжлэгдсэн “Мөнгөнгүүр” эмнэлэг нь хэвтүүлэн эмчлэх 100 ор бүхий тасаг, эмнэлзүйн нэгдсэн лаборатори, дижитал рентген, хэт авиа, компьютерт томографи, соронзон резонанст томографи, ангиографи бүхий дүрс оношилгооны төв, хүлээн авах яаралтай тусламжийн тасаг, эмчилгээний хоолны тасаг, угтах үйлчилгээний хэсэг болон бусад дэмжих үйлчилгээний хэсгүүдээр иргэдэд 24 цагийн эмнэлгийн тусламж үйлчилгээг үзүүлдэг юм.
Төрийн банкны “Эрүүл иргэн” хадгаламж, “Эрүүл иргэн” карттай харилцагчид БНСУ-ын 3 эмнэлэг буюу Korea Medical Institute эмнэлэг, Медичек оношилгооны төв, Саранплас эмнэлэг, Бүгд Найрамдах Турк Улсын “Лив эмнэлэг”, Монгол Улсын Дөрөвдүгээр эмнэлэг, Сонмедикал, Сөүл, Жаргалын-Үүд, “Мөнгөн гүүр” эмнэлгүүдэд хөнгөлөлттэй үйлчлүүлэх эрхтэй болж байна.
“Эрүүл иргэн” хадгаламж болон картын талаарх
дэлгэрэнгүй мэдээллийг 1800-1881 дугаараас авна уу.
Дундаж давхаргыг дэмжигч Төрийн банк
Нийслэлийн Засаг даргын орлогч А.Амартүвшин “Түлшний түгээлтэд асуудал гарч байна. Сарын хугацаанд тээвэрлэгч компаниудын ажил тогтворжино гэж хүлээсэн. Гэвч энэ долоо хоногийн эхээр түлшний цэгүүд түлшгүй боллоо. Нийслэлд 26 ААН түлш тээвэрлэлт хийж буй. Тээвэрлэлтийн мэдээллүүдийг байнга хянаж байна. Энэ 26 ААН-ээс 10 нь шаардлага хангахгүй байна. Иймээс наймд нь сүүлийн удаа сануулга өгч, хоёр ААН-ийн гэрээг цуцалж байна. Тодруулбал, “Ю Би Холболт” ХХК есдүгээр сарын 15-аас хойш 770 тонн түлш тээвэрлэх ёстой байсан ч 140 тонныг л тээвэрлэсэн байна. Энэ бол үнэхээр хангалтгүй үзүүлэлт. Мөн “Баянбүрд инвест” ХХК 24 хувийн гүйцэтгэлтэй байна. Энэ хоёр компанийн гэрээг цуцалж, хар жагсаалтад оруулж байна. Зургаан компани гүйцэтгэлээ давуулан биелүүлжээ. Жишээ нь, “Ихэр Алмаз” ХХК 635 тонныг квотоосоо илүү гүйцэтгээд явж байна. Ийм компаниуд ажил хийхгүй компанийнхаа ажлыг хийж байна. Нийслэлийн 176 мянган айл өрхийн өмнө бид бүгд хариуцлага хүлээж байгаа гэдгээ санах ёстой. Сүүлийн удаа сануулга өгсөн компаниуд гурав хоногийн дотор тээвэрлэлтийг жигдэлж, гүйцэтгэлийг хангаж ажиллах ёстой. Энд байгаа компаниуд анхны жилдээ нүүрс тээвэрлээгүй. ААН-үүд тендер зарлахад "Болно, чадна, боловсон хүчинтэй, машин техник төхөөрөмжтэй" гэж орж ирсэн. Түлш тээврийн ажлыг том компаниудад өгөлгүйгээр жижиг компаниудын үйл ажиллагааг дэмжихийн тулд, нэг ч гэсэн компанийг, нэг ч гэсэн жолоочийг ажилтай байлгах үүднээс хүчин чадалд нь тааруулаад жижиглэж хуваасан. Нийслэлд ажиллах хүч, техник хэрэгсэл байгаа тул гэрээг нь цуцалж байгаа хоёр компанийн ажлыг гүйцэтгэх болно. Гүйцэтгэл хангаж буй компанийн тээвэрлэсэн түлшний тонн тутамд 7000 төгрөгийн нэмэгдэл өгнө. Тиймээс гүйцэтгэлээ хангаж ажилла” гэлээ.
