Улстөр нийгэм
БНСУ-ын эмнэлгүүдээс эрүүл мэндийн зөвлөгөө, мэдээллийг үнэ төлбөргүй аваарай
“Солонгосын соёл аялал жуулчлалын өдрүүд” энэ сарын 25, 26, 27-ны өдрүүдэд Улаанбаатар хотод болно. Энэ хүрээнд Сүхбаатарын талбайд “Korea medical tourism-2023” эрүүл мэндийн аялал жуулчлалын фестивалийг зохион байгуулна.
Энэ үеэр БНСУ-ын нэгдсэн эмнэлэг, арьс гоо заслын эмнэлэг, эмэгтэйчүүдийн эмнэлэг, шүдний эмнэлэг, нүдний эмнэлэг болон бусад нарийн мэргэшсэн эмнэлгүүд хүрэлцэн ирж үнэ төлбөргүйгээр зөвлөгөө мэдээлэл өгөх юм байна. Өөрөөр хэлбэл, БНСУ-д эмчлүүлэх шаардлагатай иргэдэд олон дамжлага шатлалгүйгээр БНСУ-ын эмнэлгүүдээр үйлчлүүлэх эмчилгээний аргачлал, зардал, хугацаа зэрэг мэдээлэл, зөвлөгөө өгөх аж.
Тиймээс та бүхэн БНСУ-ын эмнэлгүүдээс эрүүл мэндийн зөвлөгөө, мэдээлэл авахыг хүсвэл энэхүү https://forms.gle/Hj1cYWizUSAYmKu87 хүсэлтийг бөглөн илгээнэ үү. Таны хүсэлтийн дагуу утсаар эргэн холбогдож, цаг захиалгыг баталгаажуулах болно.
Улстөр нийгэм
Замын хөдөлгөөний ухаалаг системийн үр дүнд оргил ачааллын үргэлжлэх хугацаа нэг цагаар багассан
Улаанбаатар хотод өдөрт дунджаар 590-610 мянган тээврийн хэрэгсэл хөдөлгөөнд оролцож байна. Нийслэлийн 176 уулзвар, гарцад 2600 гаруй ухаалаг камерыг суурилуулж, Теле камерын хяналтын нэгдсэн төвийг 2024-2025 онд байгуулсан.
Энэхүү ухаалаг камерын системийг нэвтрүүлсний үр дүнд авто замын хөдөлгөөнийг оновчтой зохион байгуулж, оргил ачааллын үргэлжлэх хугацаа нэг цагаар багассан байна.
Тодруулбал “Замын хөдөлгөөний удирдлагын төв” ОНӨТҮГ өдөр бүр замын хөдөлгөөний ачаалал хэвийн болох цагийг бүртгэж ажилладаг. Ухаалаг камерын систем нэвтрүүлэхээс өмнө буюу 2023, 2024 онд өглөөний оргил ачааллын цаг 10:30-11:30, өдөр 14:30-15:30, орой 21:30-22:30 цагт дунджаар бүртгэгддэг байсан. Харин ухаалаг камерын систем нэвтрүүлсний дараа оргил ачааллын үргэлжлэх хугацаа нэг цагаар багассан буюу оргил цагийн ачаалал 10:30-11:30, 13:30-14:30, 20:30-21:30 цаг хүртэл үргэлжилж байна. Энэ нь түгжрэлээс үүдсэн алдагдсан цаг хугацаа болон шатахуун хэмнэх зэргээр эдийн засгийн үр өгөөжийг тодорхой хувиар нэмэгдүүлж байна.
Улстөр нийгэм
А.Энхжаргал: Алдагдсан автобусыг шуурхай эрэн хайж, 2 цагийн дотор эвдрэл гэмтэлгүй олсон
Өнөөдөр буюу 2025 оны нэгдүгээр сарын 30-ны 06:45 цагт "Сайхан ирээдүй" ХХК-ийн 18-037 гарааш дугаартай тээврийн хэрэгслийн жолооч ариун цэврийн өрөө орох хооронд автобус нь алдагдсан хэрэг гарсан.
Мэдээлэл авсан даруйд Авто тээврийн Улсын байцаагч Ж.Бум-Эрдэнэ, М.Одгэрэл, жолооч Ш.Соронзонболд нар шуурхай ажиллан олсныг Нийтийн тээврийн бодлогын газраас мэдээллээ.
Улстөр нийгэм
Төрийн албан хаагчдын олон талт хэлэлцээний чадавхыг бэхжүүлэх сургалт зохион байгуулна
Цөлжилттэй тэмцэх тухай НҮБ-ын конвенцын Талуудын 17 дугаар бага хурал (COP17)-ыг угтан Монгол Улсын төрийн албан хаагчдын олон талт хэлэлцээний чадавхыг бэхжүүлэх сургалтыг хамтран хэрэгжүүлэх тухай Ойлголцлын санамж бичигт БОУАӨ-ийн сайд Б.Батбаатар болон Их Британи, Умард Ирландын Нэгдсэн Хаант Улсаас Монгол Улсад суугаа Элчин сайд Фиона Блайт нар гарын үсэг зурлаа.
Монгол Улс COP17-ыг зохион байгуулагч болон даргалагч улсын хувьд олон талт хэлэлцээний явцыг үр дүнтэй удирдах, Талуудын зөвшилцөлд хүрэхэд бодит хувь нэмэр оруулах чадавхыг бүрдүүлэхэд онцгой анхаарч байгаа.
Энэ ажлын хүрээнд хүний нөөцийн бэлтгэл, ялангуяа төрийн албан хаагчдын хэлэлцээний чадавх бэхжүүлэх ажлыг COP17-ын бэлтгэлийн үндсэн бүрэлдэхүүн хэсэг болгон авч үзэж байгаа юм.
-
Цаг үе2021/10/08
Гурван С-г баримтлан коронавируст халдвараас сэргийлье
-
Улстөр нийгэм2021/03/29
Худалдааны салбарынханд халдвар хамгааллын дэглэмээ сахиж ажиллахыг уриаллаа
-
Цаг үе2024/04/08
Увсын Давст суманд 18 см цасан бүрхүүл тогтсон байна
-
Цаг үе2020/07/25
Цаг агаарын аюултай үзэгдлээс сэрэмжлүүлж байна!