Бидэнтэй нэгдэх

Чөлөөт цаг

“Шинэ Хөдөө” төслийн хүрээнд Түлүүгийн даваанд худалдааны цэг байгуулах, тохижилтын ажил эхэллээ

Огноо:

,

“Шинэ хөдөө” төслийн хүрээнд орон нутгийн иргэдийн ажлын байр, орлогыг бодитоор нэмэгдүүлэхээр төлөвлөж байгаа ажлын нэг нь Түлүүгийн даваа, Булган сумын 1-дүгээр багын зам дагуу худалдааны цэг байгуулах, түүнийг тойрсон орчны тохижолтыг бий болгох ажил юм.

Улсын чанартай хэвтээ тэнхлэгийн авто замын гол сүлжээ болсон Булган аймгийн авто зам дамжин өнгөрөгчдийн хувьд ачаалал ихтэй, тэр дундаа Түлүүгийн даваа нь байгалийн үзэсгэлэн бүрдсэн, тус даваагаар зорчин өнгөрөгсдийн үдэлж амардаг гол цэг болдог. Үүнийг дагаад ойролцоох 3-4 сумдаас айраг цагаа, жимс жимсгэнэ гээд ХАА-н бүтээгдэхүүнээ борлуулах хүсэлтэй, түүгээр амьжиргаагаа залгуулдаг айл өрхүүд Түлүүгийн даваан дээр борлуулалт хийдэг бөгөөд авто замын аюулгүй байдлыг хангах үүднээс гарч буй эргүүл пост, цагдаагийнхан, мэргэжлийн хяналтынханд хөөгдөж туугдсан ч өнөөдрийг хүртэл халуунд халж хүйтэн салхи шуурганд хөлдчих шахан зогссоор ирсэн.

Аялал жуулчлалын борлуулалт нэмэгддэг тул худалдаа хийхээр 40 гаруй айл өрх ирдэг боловч зогсох газаргүйгээс үргэлж маргаан дэгддэг дээр нь орон нутгийн тээврийн том тэрэгнүүд зогсох зай талбайгүй зэргээс хаана хаанаа асуудал үүсээд байсан юм аа.

Тэгвэл УИХ-ын гишүүн Ж.Бат-Эрдэнийн санаачлагаар иргэдийнхээ аюулгүй байдлыг хангаж, бүтээгдэхүүнээ борлуулж амьдралаа сайжруулахад дэмжлэг үзүүлэх зорилгоор стандартад нийцсэн, аюулгүй, зам багтаамж хангалттай худалдааны цэг байгуулах ажил “Шинэ хөдөө” төслийн хүрээнд тохижилтын ажил хийгдэхээр боллоо.

Түлүүгийн давааны одоо ашиглагдаж байгаа 20 гаруй м.кв шороон талбайг замын хоёр тал руу тэгшилж сунган машины зогсоол, худалдаа үйлчилгээний цэг, био нойл, хогийн цэг зэрэг бүтээн босголтын ажлуудыг энэ сарын 11-ний өдрөөс эхлүүллээ.

Төслийн хүрээнд нийт 200 сая төгрөгийн төсөвт өртөгтэйгээр эхний ээлжинд 2 газар ийнхүү худалдааны цэг байгуулагдах юм. Тус ажлын гүйцэтгэгчээр шалгарсан “Өлзий хутагын наран” ХХК-ын захирал Ц.Гантулгаас зарим зүйлийг тодрууллаа.

-Танай компани байгуулагдаад хэдэн жил болж байна вэ? Голчлон ямар ажлууд хийж байсан туршлагатай вэ?

-Манайх 12 жилийн туршлагатай эрдэнэтийн харьяат замын засвар барилгын компани. Байгуулагдсанаасаа хойш тасралтгүй орон нутгийн авто зам дээр ажиллаж байна.

-Түлүүгийн давааны энэ талбай одоо байгаагаасаа яаж өөрчлөгдөхөөр зураг төсөлдөө тусгагдсан бэ?

-Одоо ашиглагдаж байгаа газар нь ойролцоогоор 24 м.кв талбайтай байсныг 71 м.кв хүртэл сунгана. Зураг төслөөрөө орон нутгийн худалдаа үйлчилгээний цэг болгох зорилготой түүнээ дагаад авто машины зогсоол, гэрэлтүүлэг, павилонууд, био жорлон, хогийн цэг зэрэг зүйлүүд нэмж барихаар төлөвлөж байна.

-Хоёр сарын хугацаанд хийж дуусгахаар төлөвлөөд байгаа юм байна. Төлөвлөсөн хугацаандаа хийж амжих уу?

-56 хоногийн хугацаанд хийж дуусгана гэж төлөвлөж байгаа. Одоогоор 15 ажилтан ажиллаж байна. Эхний техник тоног төхөөрөмж ирж ажил эхлээд явж байна.

 Б.Ариунцэцэг: Бат-Эрдэнэ ах өмнө нь бас хэд хэдэн удаа ирж бидэнтэй уулзаж, худалдаа эрхлэхийг маань дэмжиж байсан

Түлүүгийн давааны бүтээн босголтын ажил эхлэхэд хамгийн баярлаж байгаа хүмүүс бол худалдаа эрхлэгчид. Тэдний амьжиргааны гол үндэс бол энд ирж айраг цагаагаа зарах юм. Биднийг очиход цас орсон хүйтэн өдөр байсан тул цөөхөн худалдаачид зогсож байсны нэг нь Эрдэнэт хотоос ээжтэйгээ хамт  ирж айраг, жимс жимсгэнэ худалддаг Б.Ариунцэцэг охин юм. Түүнийг айргаа зарах хооронд цөөн асуултад хариулт авлаа.

- Сайн уу, миний дүү айраг литр нь хэд вэ?

-Сайн, сайн байна уу. 3000 гэж байна

-Зөндөө олон хүн айраг зараад зогсож байдаг, хүйтрээд буучихсан уу?

-Тийм, 6 сарын 15-наас 10 сарын 15 хүртэл зогсдог юм. Манайх ч гэсэн маргааш нөгөөдрөөс буунаа, тэгэхгүй бол айраг хөлдөөд хийж болохгүй болчихдог юм.

-Аан тийм үү, чи хэдэн жил зогсож байна вэ?

-Өө би бол дөнгөж 2 жил, ээж маань 6 жил зогсож байгаа.

-Хаанаас голцуу хүмүүс ирж айраг цагаагаа зардаг юм бэ?

-Энэ хавийн зөндөө сумаас ирдэг. Сайхан, Булган, Бугат, Могод гээд ойролцоох сумдаас ирж зардаг. Эрдэнэтээс хүртэл ирдэг.

-Пөөх...тэгээд өдөр болгон Эрдэнэтээс айраг зарах гэж ирдэг гэж үү?

-Тийм, өөр хийх ажил олдохгүй болохоор ирэхээс яахав /инээв/. Нэг айл өдөрт 100 литр айрагтай ирээд зардаг, өдөртөө 200-300 мянган төгрөгийн орлого хийчихдэг дажгүй шдээ. Даанч дулааны үед зогсох газар олдохгүй хэцүү. Заримдаа бүр муудалцана, хаяаа бас хөөгдөнөө.

-Одоо энд тохижилт  хийгдсэнээр асуудалгүй болохюм  юм байна. Мэдээж худалдаа эрхлэгчид маань сонссон байх, ямархуу сэтгэгдэлтэй байна?

 -Тийм гэнээ, манай аймгаас сонгогдсон УИХ-ын гишүүн Ж.Бат-Эрдэнэ гуай энийг бариулж байгаа гэсэн. Өмнө нь нэлээн олон удаа ирж бидэнтэй уулзаж санал солилцож гарц гаргаалгааны талаар ярьж байсан. Мэргэжлийн хяналтынхан ирээд хөөж байхад болиулж, амьжиргаагаа залгуулж тав арван цаас олж байгаа иргэдээ бооомилоод баймааргүй байна. Аль болох дэмжмээр байна, аюулгүй байдал дээр нь анхаараад худалдаа эрхлэх боломжоор нь хангаж өг гэж хэлж байсан. Энд зогсдог хүмүүс маш их хүлээлттэй байсан. Өнөөдөр ирээд энэ ажлыг эхлүүлж байгаа гэнэ. Ээж бид нар харин яриад баярлаад л байна. Энэ жил ч худлаа, дараа жил харин булаацалдахгүй гоё газар зогсох юм байна. Үйлчлүүлэгчид ч их ирнэ байх.

Дэлгэрэнгүй унших
сурталчилгаа
Монгол Улсын Их Хурлын 2020 оны сонгуулийн санал хураалт дуусах хүртэл сайтын сэтгэгдэл бичих талбарыг түр хаасан тул хүлцэл өчье. SHUDARGA.MN сайтын редакц

Чөлөөт цаг

Үерийн аюулаас сэрэмжлүүлж байна!

Огноо:

,

2020 оны долоодугаар сарын 2-ны өдрийн байдлаар Хангай нурууны өврийн Онги, Цагаантуруут, Алтай нуруунаас эхтэй Ховд, Буянт, Булган, Турган, Харбут, Сагсай, Чигэртэй, Увс нуурын савын Намир зэрэг голуудын усны түвшин өмнөх өдрийнхөөс 5-20 см нэмэгдэж, ус судлалын Буянт-Ховд, Хэрлэн-Мөнгөнморьт харуул орчимд үерийн түвшинг 5-15 см даван үерлэж байна.

Иймд дээр дурьдсан голуудын сав дагуу суурьшиж, нутагшиж буй ард иргэд, аж ахуйн нэгж, аялаж зугаалж яваа хүмүүсийг үерийн аюулаас сэрэмжтэй байхыг онцгойлон  анхааруулж байна. Цаашид орох хур борооны эрчимшил хэмжээнээс шалтгаалан гол мөрөн богино хугацаанд үерлэх, жижиг голууд болон хуурай сайраар уруйн үер буух  нөхцөл бүрдэнэ. Иймд үер усны аюулаас  онцгойлон анхааруулж доорх сэрэмжлүүлгийг хүргэж байна.

Үүнд:

- Гэр, хашаа, саравч, орон байраа гуу жалга, голын ойролцоо барьж суурьшихгүй байх.

- Бага насны хүүхдийг гол усны ойролцоо тоглуулахгүй байх, хүүхдэд тавих хараа, хяналтаа сайжруулах.

- Үерийн ус зайлуулах суваг шуудуу татах, далан хашлага барих зэргээр өөрийн болон бусдын амь нас , эрүүл мэнд, эд хөрөнгийг болзошгүй гамшиг ослоос урьдчилан сэргийлэх.

- Голын усны түвшин нэмэгдэж, үерийн байдалд шилжсэн үед гармаар зорчихгүй зориулалтын гарцтай газраар зорчих.

- Хот суурийн газрын үерийн далангийн ус зайлуулах хоолойгоор ус чөлөөтэй урсах нөхцлийг бүрдүүлэхийг орон нутгийн холбогдох байгууллага анхааралдаа авч урьдчилан арга хэмжээ авахыг зөвлөж байна.

Ус, цаг уур, орчны судалгаа мэдээлэлийн хүрээлэнгийн
Гадаргын усны судалгааны хэлтэс

2020-07-02

Дэлгэрэнгүй унших

Чөлөөт цаг

Гэрэл зургийн сэтгүүлчид дайны талбарт

Огноо:

,

Дэлхийн өнцөг булан бүрт нэгэн зууны түүхийг бичиж буй гэрэл зурагчдын эмгэнэлтэй, үнэн түүхүүдийг та бүхэндээ хүргэж байна. Тэд инээд хөөртэй, дайн дажинтай газарт ч байх бөгөөд өөрсдийн амь насыг эрсдэлд оруулж байдаг ч цор ганц шилдэг кадрын төлөө юуг ч хийдэг байх нь.

"Ройтерс" агентлагийн гэрэл зурагчин Глеб Гаранич 2013 оны 11 дүгээр сарын 30-нд Украины нийслэл Киев хотын тусгаар тогтнолын талбайд болсон Украиныг Европын холбоонд нэгтгэхийн төлөөх бослого, үймээний халуун цэгт ажиллажээ. Тус бослого, үймээнийг цагдаагийн хүчээр тараасан бөгөөд тухайн үед гэрэл зурагчин толгойдоо маш том гэмтэл авсан ч түүхэнд үлдэх гэрэл зургуудыг дарж чаджээ. 

“APF”-ийн видео мэдээний сэтгүүлч Кенжи Нагаи 2007 оны есдүгээр сарын 27-нд Мьянмар улсын хуучин нийслэл хот Янгонд болсон ажлаас гэнэт халагдсан иргэдийн үймээний үеэр нас барсан юм. Тухайн үед цагдаа нар үймээн дэгдээсэн иргэдийг тараахаар гартаа таарсан бүгдээр иргэдийг цохиж, нулимс асгаруулагч хийгээр цацаж байв. Жагсагчдын зургийг дарахаар ухасхийсэн Кенжиг цагдаагийн ажилтан юу ч бодолгүй цохиж унагаасан бөгөөд Кенжи тухайн үед авсан гэмтлээ даалгүй нас баржээ.

"Ройтерс" агентлагийн Ойрхи Дорнод дахь сэтгүүлч Самиа Нахоул машиныхаа ар талын суудалд шархдан хэвтэж буй зургийг та бүхэн харж байна. Тухайн үед сэтгүүлч бүсгүйн байрлаж байсан Багдад хотын зочид буудалд амиа золиослогч этгээд бөмбөг дэлбэлсэн юм. Тэрхүү дэлбэрэлтийг бүсгүй шархадсан ч гэсэн "Ройтерс" телевизээр шууд дамжуулж чаджээ.

Грекийн гэрэл зурагчин Яннис Бехракис 2001 оны гуравдугаар сард Икраиль, Палестины цэрэг хоорондын хил дээрх мөргөлдөөний үеэр.

Нью-Йорк таймс сонины гэрэл зурагчид болох Тайлер Хекс, Линдсей Аддарио болоод “Getty Images”-ийн гэрэл зурагчин Жонн Мур, чөлөөт гэрэл зурагчин Холли нар орчуулагч Филип Поупины хамт 2011 онд Муаммар Каддафийн засаглал бүрэн унах үеийн гэрч юм. Ливийн босогчид болон Каддафид үнэнч цэргүүд Сирт хотын төлөө удаан хугацаанд ширүүн тулалдсан билээ. Гэвч эцэс сүүлд нь Муаммар Каддафи иргэдийнхээ гарт нас баржээ.

Грекийн фото сэтгүүлч Татьяна Болариг Афинд болсон томоохон жагсаалын зургийг дарахаар  явж байх үед түүний сууж явсан машин руу бууджээ. Таксины цонхонд сум хэрхэн туссаныг гэрэл зурагчин дурандаа буулгасан байна.  

2010 онд Рио Де Жанейро дахь ядуусын хорооллын Alemao дүүрэгт гарсан үймээний зургийг дарж буй гэрэл зурагчин. Энэхүү зургийг 2010 оны 11 дүгээр сарын 27-нд авсан бөгөөд зурагчин хоосон саваар биеэ халхалж, зургаа дарж байна.

Палестины чөлөөт гэрэл зурагчин Moaмeн  Кике 2008 оны Израилын агаарын дайралтаас болж хөлгүй болж, тэргэнцэр дээр суусан ч зураг дарахаа болиогүй юм. Тэрбээр хоригдлуудыг суллахыг хүссэн жагсагчдын зургийг дарж байна. REUTERS / Suhaib Salem


Чили улсын нийслэл Сантьяго хотод 2010 оны есдүгээр сарын 18-нд болсон нэгэн халдлагын үеэр гэр бүлийн бүх гишүүнээ, найз нөхөд, хамт олноо алдсан гэрэл зурагчин Луис Карлост гашуудлын мэдээ хүргэж байгаа нь.

Дэлгэрэнгүй унших

Чөлөөт цаг

Монгол Улсын 17 аймгийн 137 сум тарваган тахлын байгалийн голомттой

Огноо:

,

Тарваган тахал нь нянгаар үүсгэгддэг, халдвартай мэрэгч амьтад, бүүргээр дамжин халдварладаг тунгалгийн зангилаа, уушги, ходоод гэдсийг зонхилон гэмтээдэг зоонозын цочмог халдварт өвчин. Монгол Улсын 17 аймгийн 137 сум тарваган тахлын байгалийн голомттой. 

Халдвар дамжих зам :

• Шууд хавьтал (тахлаар өвчилсөн тарвага агнах, арьс өвчих, мах эвдэх..)
• Агаар дусал
• Дам халдвар (мэрэгч амьтдын бөөс, бүүрэгт хазуулах)
• Хоол боловсруулах зам (тарваганы түүхий эд, эрхтэн залгих, дутуу чанасан мах идэх)
Нууц үе : Хэдэн цагаас 6 хоног, дунджаар 2-3 хоног
Эмнэл зүйн хэлбэр :
• Арьсны хэлбэр
• Булчирхайн хэлбэр
• Уушгины хэлбэр
• Үжил хэлбэр
• Гэдэсний хэлбэр
• Залгиур хоолойн хэлбэр
Шинж тэмдэг :
• 38-40 хэм хүрч халуурах
• Суга, цавь, хүзүү, тунгалгийн булчирхай цочих, хөдөлгөөнгүй маш их эмзэглэлтэй болох
• Бүх бие булчингаар шархирч өвдөх
• Толгой өвдөх
• Ханиалгах
• Цустай цэр гарах
• Амьсгалахад хүндрэлтэй болох
• Бөөлжих
• Хэвлийгээр өвдөх
• Суулгах

Урьдчилан сэргийлэх :

• Тарвага агнахгүй байх
• Тарваганы мах идэхгүй байх
• Түүхий эд, эрхтэнг хэрэглэхгүй байх
• Тарвагыг нохойгоор бариулахгүй байх, урхи, хавхаар агнахгүй байх
• Тарваганы түүхий мах эд, эрхтэнг хот суурин газарт оруулахгүй байх
• Хүүхдийг тарваганы дошон дээр тоглуулахгүй, унтуулахгүй байх
• Шимэгчид хазуулахаас сэргийлж дайжуулагч хэрэглэх
• Тарваган тахлын эсрэг вакцин тариулах
• Гэр орондоо агнасан тарвага, арьс хадгалахгүй байх
• Гэр орондоо мэрэгч амьтан орохоос сэргийлж тор хийх, май тавих..,
• Нохойг байнга уяатай байлгах
• Үхсэн, хөдөлгөөн удааширсан тарваганд хүрэхгүй байх
• Үхсэн тарвага, мэрэгч амьтдын тухай зоонозын өвчин судлалын төвд яаралтай мэдээлэх (70282853, 70284393)
• Тарваган тахлын эрсдэлд өртсөн, эмнэлзүйн шинж тэмдэг илэрсэн тохиолдолд харьяа эрүүл мэндийн байгууллагад яаралтай мэдээлж дуудлага өгөөрэй. 

Дэлгэрэнгүй унших

Санал болгох