Цаг үе
Түүхий нүүрс, шахмал түлшний хэрэглээнд хяналт шалгалт хийлээ
Баянзүрх дүүргийн Онцгой байдлын хэлтсийн удирдлагууд түүхий нүүрс, шахмал түлшний хэрэглээнд хяналт шалгалт хийлээ.
Баянзүрх дүүргийн хэмжээнд нийтдээ 53 мянга гаруй айл өрх шахмал түлш хэрэглэж байгаа гэсэн судалгаа бий. Хүйтний эрч чангарсантай холбоотой шахмал түлшний хэрэглээ нэмэгдэж байна. Тиймээс Баянзүрх дүүргийн Онцгой байдлын хэлтсийн дарга, дэд хурандаа М.Пүрэвжав, хэлтсийн орлогч Р.Баянжаргал нар хяналтын постууд, шахмал түлш борлуулах цэгүүд, Баянзүрх дүүргийн Шуурхай штабт ажиллалаа.
Дүүргийн хэмжээнд түүхий нүүрсний тээвэрлэлтэд хоёр цэгт хяналт шалгалт хийж байгаа. 11 дүгээр хороо буюу Хонхор, 28 дугаар хороо буюу Хужирбуланд байрлах хяналтын постуудаар одоогоор зөвшөөрөлгүй түүхий нүүрс тээвэрлэж нэвтэрсэн зөрчил илрээгүй байна.
“Таван толгой” шахмал түлшний борлуулалтын цэгүүдэд ажиллахад нөөц хангалттай байгааг хэллээ. Харин тээвэрлэлт, хадгалалтаас шалтгаалж шахмал түлшний уутанд гэмтэл үүсгэснээс шахмал түлш чийг авч, угаарын хий гарах эрсдэлийг нэмэгдүүлдэг учраас анхаарч ажиллахыг борлуулагчдад зөвлөлөө гэж Баянзүрх дүүргийн Онцгой байдлын хэлтсээс мэдээллээ.
Цаг үе
Замын тэмдэг тэмдэглэгээг бүрэн шинэчлэхэд шаардлагатай төсвийн тооцоолол хийнэ
Нийслэлийн Замын хөгжлийн газрын Бодлого төлөвлөлтийн хэлтсийн даргын албан үүргийг түр орлон гүйцэтгэгч М.Ичинхорлоо Улаанбаатар хотын авто зам, уулзваруудын ослын шалтгааныг тодорхойлж, тэмдэг тэмдэглэгээ болон хөдөлгөөний зохион байгуулалтын инженерийн шийдэл боловсруулах зөвлөх үйлчилгээний мэдээлэл танилцууллаа.
Энэ хүрээнд түгжрэлийг бууруулах ажлыг хэсгийн хуралдааны гишүүд санал солилцож, осол хамгийн ихээр гарч байгаа цэгүүдийн уулзварын зохион байгуулалт, эргэлтийн радиусыг тооцоолж үзэх нь зөв гэдэгт санал нэгдлээ.
Ажлын хэсгийн гишүүдийн саналын дагуу НИТХ-ын дарга А.Баяр ирэх жилүүдэд нийслэл хотын тэмдэг тэмдэглэгээг бүрэн шинэчлэхэд шаардлагатай төсвийн тооцоолол хийхийг Нийслэлийн замын хөгжлийн газарт үүрэг болголоо.
Эх сурвалж: НИТХ-ХМОНХА
Цаг үе
“Найрамдал” зуслан чиглэлийн 16 км авто замыг шинэчилж, улсын комисст хүлээлгэн өгөв
Сонгинохайрхан дүүргийн 22, 34 дүгээр хороо, Тахилтын уулзвараас “Найрамдал” зуслан чиглэлийн 16 км урт, хоёр эгнээ бүхий авто замыг бүрэн шинэчилж, улсын комисст хүлээлгэн өгөөд байна.
Тодруулбал, 2024 оны есдүгээр сараас тус авто замыг шинэчилж эхэлсэн бөгөөд өнгөрсөн онд 4 км авто замыг шинэчилсэн юм.
Харин энэ онд үлдсэн 12 км авто замыг шинэчилж, гэрэлтүүлэг, явган замын ажлыг дуусган улсын комисст хүлээлгэн өгөөд байна.
Тахилтын уулзвараас “Найрамдал” зуслан чиглэлийн авто замыг анх 1978 онд ашиглалтад оруулсан бөгөөд 46 жилийн дараа их засвар хийлээ.
Цаг үе
“Телеграммаар даалгавар биелүүлж мөнгөө өсгөөрэй” гэх зар залилан
-
Цаг үе2022/05/12
Үс шинээр үргээлгэх буюу засуулбал эрхтэн хурц болно
-
Улстөр нийгэм2021/09/17
Шадар сайд С.Амарсайхан БНХАУ-ын Гадаад хэргийн сайд Ван И-тэй уулзав
-
Цаг үе2024/12/23
Нийтийн тээврээр үйлчлүүлэх үнийн тарифт өөрчлөлт орлоо
-
Улстөр нийгэм2025/03/27
Тавантолгойн нүүрс ачих логистикийн төв техникийн хүчин чадлаараа бүрэн ажиллаж ...