Бидэнтэй нэгдэх

Цаг үе

“JCI” байгууллагын ерөнхийлөгч Архенис Ангулог хүлээн авч уулзлаа

Огноо:

,

Нийслэлийн Засаг даргын Эдийн засаг, дэд бүтцийн асуудал хариуцсан нэгдүгээр орлогч Ж.Сандагсүрэн “JCI” байгууллагын 2022 оны ерөнхийлөгч Архенис Ангулог хүлээн авч уулзлаа.

Уулзалтад “JCI” байгууллагын Ерөнхий нарийн бичгийн дарга Кевин Хин, “JCI Монгол” байгууллагын 2022 оны Үндэсний ерөнхийлөгч Ж.Дамдинцэрэн, тэргүүн дэд ерөнхийлөгч С.Мөнхдэлгэр зэрэг төлөөллүүд оролцсон юм.

“JCI” байгууллагын 2022 оны ерөнхийлөгч Архенис Ангуло “JCI Монгол байгууллага байгуулагдсаны 30 жилийн ой тохиож буй энэ цаг үед биднийг хүлээн авч буйд талархаж байна. Бид хэд хэдэн салбарт томоохон төсөл, хөтөлбөрүүдийг хэрэгжүүлдэг. Залуусыг дэмжих, улс, эх орноо хөгжүүлэхэд тэдний оролцоог нэмэгдүүлэх, бусад улс орны сайн туршлагыг харилцан хуваалцах чиглэлээр ажиллаж байна. Хүн өөрийн эдлэх ёстой эрхээс гадна, үүрэг хариуцлагаа ухамсарладаг байх ёстой. Тиймээс бид энэ жил үүрэг, хариуцлагынхаа хүрээнд эх орныхоо хөгжилд хувь нэмрээ оруулж, бусдад туслах ёстой гэх зорилгын дор нэгдээд байгаа” гэв.

Нийслэлийн Засаг даргын орлогч Ж.Сандагсүрэн “Монголд ч мөн үүрэг, хариуцлага гэх ойлголт маш чухал болоод байна. “JCI Монгол” байгууллагын залуус ч үүнийг ухамсарлан, нийслэл хотынхоо хөгжил дэвшилд хувь нэмрээ оруулж байдагт талархаж явдаг. Тус байгууллагатай хамтран хэд хэдэн төслийг хэрэгжүүлж байгаа. Цаашид ч олон төсөл хөтөлбөрийг хамтран хэрэгжүүлнэ гэдэгт итгэлтэй байна” хэмээсэн юм.

“JCI” байгууллага нь Монгол Улсад үйл ажиллагаагаа явуулаад 30 жил болж байгаа бөгөөд 1994 онд үндэсний байгууллагын эрхээ авч албан ёсоор “JCI Монгол” байгууллага болсон түүхтэй. Ийнхүү 30 жилийн ойн хүрээндээ “Цар тахлын дараах бизнесийн орчин”, “Ногоон ирээдүй” зэрэг сэдвээр хэлэлцүүлэг зохион байгуулахаар төлөвлөжээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Модны хоёрын авто замыг хааж, шугам сүлжээ шинэчилнэ

Огноо:

,

Далив хутагт Жамсранжавын гудамж, Модны хоёрын "World Mongolia" төвийн баруун хойд талын дулааны худгаас 67 дугаар байрны оруулга хүртэл ус, дулааны шугам сүлжээг өргөтгөнө.
 
Ингэхдээ тус авто замыг шөнийн цагаар бүтэн, өдрийн цагаар хэсэгчлэн хаана.
 
- Зам хаах: 8 дугаар сарын 28-ны 22:00 цаг
 
- Зам нээх: 9 дүгээр сарын 30-ны 06:00 цаг
 
Иймд иргэд, жолооч та бүхэн бусад замыг сонгон хөдөлгөөнд оролцоно уу.
 
Дэлгэрэнгүй унших

Цаг үе

Их Монгол Улсын гудамжнаас Оргил худалдааны төвийн уулзвар хүртэлх замыг хэсэгчлэн хааж шинэчилнэ

Огноо:

,

Удирдлагын академийн гудамжны засвар, шинэчлэлтийн ажлын хүрээнд Их Монгол Улсын гудамжнаас Оргил худалдааны төвийн уулзвар хүртэлх авто замыг хааж асфальтбетон хучилт, тэмдэглэгээний ажлыг хийж гүйцэтгэнэ.

- Зам хаах: 8 дугаар сарын 29-ний 23:00 цаг

- Зам нээх: 9 дүгээр сарын 1-ний 05:00 цаг

Иймд иргэд, жолооч та бүхэн бусад замыг сонгон хөдөлгөөнд оролцоно уу.

Дэлгэрэнгүй унших

Цаг үе

Улаанбаатарт өөртөө 20 хэм дулаан

Огноо:

,

Малчид, иргэд, хадланчдын анхааралд: 29-ний өдөр Өвөрхангайн хойд хэсэг, Төв, Сэлэнгэ, Хэнтийн нутгаар бороо, дуу цахилгаантай аадар бороо орох тул болзошгүй мөндөр, аянга цахилгаан, үерийн аюулаас сэрэмжтэй байхыг анхааруулж байна.

2025 оны наймдугаар сарын 29-ний 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн баруун, говийн аймгуудын нутгийн хойд хэсгээр бороо, дуу цахилгаантай аадар бороо, мөндөр орно. Салхи нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр, нутгийн зарим газраар борооны өмнө түр зуур ширүүснэ.Нутгийн хойд хэсгээр сэрүүсэж Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 9-14 хэм, Алтай, Хэнтийн уулархаг нутаг, Орхон-Сэлэнгийн сав газар, Туул, Тэрэлж, Хэрлэн голын хөндийгөөр 15-20 хэм, говийн бүс нутгийн өмнөд хэсгээр 26-31 хэм, бусад нутгаар 20-25 хэм дулаан байна.


УЛААНБААТАР ХОТ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 5-10 метр, борооны өмнө түр зуур ширүүснэ. 18-20 хэм дулаан байна.

БАГАНУУР ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 6-11 метр, борооны өмнө түр зуур ширүүснэ 18-20 хэм дулаан байна.

ТЭРЭЛЖ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 4-9 метр, борооны өмнө түр зуур ширүүснэ. 17-19 хэм дулаан байна.


2025 оны наймдугаар сарын 30-наас
2025 оны есдүгээр сарын 03-ныг хүртэлх
цаг агаарын урьдчилсан төлөв

Наймдугаар сарын 30-нд төв болон говийн айгуудын нутгийн зүүн хэсэг, зүүн аймгуудын нутгийн зарим газраар, 31-нд Монгол-Алтай, Хангай, Хөвсгөлийн уулархаг нутаг, Онон, Улз голын хөндийгөөр, 9-р сарын 01-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 02-нд баруун аймгуудын нутгийн хойд хэсэг, төв болон говийн аймгуудын нутгийн зарим газар, зүүн аймгуудын нутгийн баруун хэсгээр бороо, дуу цахилгаантай аадар бороо, мөндөр орно. Салхи 31-нд Алтайн уулархаг нутгаар секундэд 18-20 метр, 9-р сарын 01, 02-нд говь, тал, хээрийн нутгаар секундэд 15-17 метр хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр шөнөдөө 4 хэмийн хүйтнээс 1 хэмийн дулаан, өдөртөө 12-17 хэм, говийн бүс нутгийн өмнөд хэсгээр шөнөдөө 12-17 хэм, өдөртөө 23-28 хэм, бусад нутгаар шөнөдөө 4-9 хэм, өдөртөө 17-22 хэм дулаан байна. 09-р сарын 01-нд нутгийн зүүн хагаст, 02-нд нутгийн зүүн өмнөд хэгсээр дулаан байна.

Дэлгэрэнгүй унших

Санал болгох