Улстөр нийгэм
Хөгжиж буй орнуудын 77-гийн бүлгийн сайд нарын уулзалтад оролцов
Барбадос Улсын Бриджтаун болон Швейцарын Холбооны Улсын Женев хотноо 2021 оны 10 дугаар сарын 4-7-ны өдрүүдэд НҮБ-ын Худалдаа, хөгжлийн бага хурал (НҮБ-ын ХХБХ)-ын “Тэгш бус байдал, эмзэг байдлаас бүгдийг хамарсан хөгжил цэцэглэлт хүртэл” сэдэвт 15 дугаар чуулганыг зохион байгуулж байна.
Чуулганыг Кени Улсын Ерөнхийлөгч ноён Ухуру Кенятта, Барбадос Улсын Ерөнхий сайд хатагтай Амор Моттлей, НҮБ-ын Ерөнхий нарийн бичгийн дарга ноён Антонио Гутеррес болон НҮБ-ын Худалдаа, хөгжлийн бага хурлын Ерөнхий нарийн бичгийн дарга хатагтай Ребека Грийнспан нар тус тус нээж үг хэлэв.
Чуулганы хүрээнд буюу 2021 оны 10 дугаар сарын 1-ийн өдөр цахимаар болсон Хөгжиж буй орнуудын 77-гийн бүлгийн Сайд нарын уулзалтад тус бүлгийн орнуудын гадаад хэрэг, худалдааны асуудал хариуцсан сайд нар оролцож, дэлхийн худалдаа, хөгжил болон хөгжиж буй орнуудын цар тахлын дараах сэргэлтийн асуудлаар санал солилцов.
Энэ уулзалтын үеэр Монгол Улсын Гадаад харилцааны сайд Б.Батцэцэг Далайд гарцгүй хөгжиж буй орнууд (ДГХБО)-ын бүлгийг төлөөлж үг хэлэв. Тэрээр хэлсэн үгэндээ НҮБ-ын ХХБХ-ын 15 дугаар чуулган нь хямралыг даван туулах, уян хатан байдлыг бий болгох, тогтвортой хөгжлийн зорилгуудыг хэрэгжүүлэхэд шаардлагатай бодлого, арга хэмжээг хэлэлцэх боломжийг олгож байгааг тэмдэглэж, тус хэлэлцүүлэгт ДГХБО-ын хэрэгцээг бүрэн тусгах шаардлагатайг онцлов.
Түүнчлэн, ДГХБО-ын өмнө тулгарч буй нийтлэг бэрхшээл, худалдааны зардал өндөр хэвээр байгаа нь дэлхийн зах зээл дэх далайд гарцгүй орнуудын экспортын өрсөлдөх чадварыг бууруулж, импортын барааны үнийг нэмэгдүүлж байгааг тэмдэглэж, транзит, тээвэр, худалдааг хөнгөвчлөх асуудлыг шийдвэрлэхэд шаардлагатай шинэлэг арга барилыг эрэлхийлэхэд НҮБ-ын ХХБХ-аас дэмжлэг үзүүлэх шаардлагатай байгааг тэмдэглэв.
Мөн далайд гарцгүй хөгжиж буй 26 улсын экспортын орлогын 60 гаруй хувь нь түүхийн эдээс хамаардаг бөгөөд энэхүү хараат байдлыг даван туулж, тогтвортой, хүртээмжтэй өсөлтөд хүрэхийн тулд экспортыг төрөлжүүлэх, бүтцийн өөрчлөлт хийх хүчин чармайлт шаардлагатай байгааг дурдаж, НҮБ-ын ХХБХ-аас боловсруулсан Бүтээмжийн чадавхийн индекс (PCI) бодлогын шинэ арга хэрэгслийг ДГХБО-ын бүлэг сайшааж байгаа бөгөөд тус байгууллагаас бүтээмжийн чадавхад тусгайлан зориулсан хөтөлбөр, эсхүл төв байгуулж хөгжүүлэхийг уриалав.
НҮБ-ын ХХБХ-ыг 1964 онд байгуулсан бөгөөд дэлхийн худалдаа, хөрөнгө оруулалт, технологи, санхүүгийн салбарт хөгжиж буй болон буурай хөгжилтэй орнуудын ашиг сонирхлыг дэмжих зорилготой засгийн газар хоорондын байгууллага юм.
Улстөр нийгэм
Сүхбаатар дүүрэгт 37228 ам.метр явган хүний замын засвар, арчлалтыг энэ сарын 20-ноос эхлүүлнэ
Нийслэлээс явган замын арчлалтыг сайжруулах үүднээс байршлууд дээр нь очиж тогтмол ажиллаж байгаа. Тухайлбал, энэ сарын 17-ны өдөр Улаанбаатар хотын Ерөнхий менежер бөгөөд Захирагчийн ажлын албаны дарга Г.Батзориг болон холбогдох албаныхан хотын гол, гудамж замын зарим байршилд явган замын нөхцөл байдалтай танилцаж, үүрэг чиглэл өглөө.
Сүхбаатар дүүргийн 8 дугаар хороонд ажиллахдаа явган замгүй байршлуудад хэрхэн явган зам гаргах, иргэдийн хөдөлгөөний аюулгүй байдлыг хангах асуудлаар Сүхбаатар дүүргийн Засаг даргын орлогч У.Өнөрцэцэг болон албаны хүмүүстэй ярилцлаа.
Энэ үеэр Сүхбаатар дүүргийн Засаг даргын орлогч У.Өнөрцэцэг “Нийслэлийн Засаг даргаас өгсөн үүрэг даалгаврын дагуу өнгөрсөн амралтын өдрүүдээр дүүргийн Тамгын газар, хороодын ажлын албатай хамтарч Сүхбаатар дүүргийн 1-11 дүгээр хорооны 355 байршилд 37228 ам.метр талбайн явган хүний зам талбайн арчлалтыг шалгасан. Явган хүний замын хавтангуудын арчлалтыг сайжруулах, засварлах шаардлагатай хэсгүүдэд ажлыг энэ сарын 20-ноос эхлүүлж, үе шаттай явуулна. Эхний ээлжид Сүхбаатар дүүргийн Бага тойруугаас Их тойруу доторх явган хүний замыг засварлана. Багшийн дээдийн хойно Спортын төв ордны арк дээр иргэдээс гомдол их ирдэг. Автомашин явах хоёр урсгал замтай ч хажуугаар нь явган хүний зам байдаггүй. Тиймээс иргэд, орчмоор нь зорчиж байгаа оюутнуудад зорчиход хүндрэлтэй. Энэ хэсэгт мэргэжлийн байгууллагын дүгнэлт гаргуулж, явган хүний замыг хийхээр төлөвлөж байна” гэлээ.
Сүхбаатар дүүргийн хэмжээнд Энхтайваны өргөн чөлөө буюу Арслантай гүүрний баруун талаас Баруун 4 зам хүртэлх явган хүний замыг шинэчлэх ажлыг эхлүүлсэн. Гэрээнд заасан хугацааны дагуу ажлууд хийгдэнэ. МУИС-ийн баруун талаас Засгийн газрын ордны зүүн талд байрлах “Галлериа Улаанбаатар”-ын урд талын хэсэг, СТӨ-ний ард талын хэсгийн явган замын ажлуудыг нийслэлийн Хөрөнгө оруулалтын газраас хяналт тавин гүйцэтгэж байна.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
Улстөр нийгэм
УИХ: Өнөөдөр чуулганы нэгдсэн хуралдаанаар...
Монгол Улсын Их Хурлын чуулганы өнөөдрийн /2025.06.19/ нэгдсэн хуралдааны тов, хэлэлцэх асуудлуудыг та бүхэнд танилцуулж байна.
|
Д/Д |
ХУРАЛДААН |
ХЭЛЭЛЦЭХ АСУУДАЛ |
ЦАГ |
ТАНХИМ |
|
1 |
· Хот байгуулалтын тухай хууль /Шинэчилсэн найруулга/-д нэмэлт оруулах тухай хуулийн төсөл болон хамт өргөн мэдүүлсэн хуулийн төслүүд /Улсын Их Хурлын гишүүн Ж.Алдаржавхлан 2025.05.02-ны өдөр өргөн мэдүүлсэн, хэлэлцэх эсэх, үргэлжилнэ/ · Хууль тогтоомжийн тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хууль, тогтоолын төслүүд /Улсын Их Хурлын гишүүн Д.Цогтбаатар нарын 9 гишүүн 2025.01.23-ны өдөр өргөн мэдүүлсэн, анхны хэлэлцүүлэг, үргэлжилнэ/ · Төрийн албаны зөвлөлийн гишүүнийг томилох, чөлөөлөх тухай асуудал |
10.00 |
“Их хуралдай” |
|
|
· “Засгийн газарт чиглэл өгөх тухай” Улсын Их Хурлын тогтоолын төсөл · Эрүүгийн хэрэг хянан шийдвэрлэх тухай хуульд нэмэлт, өөрчлөлт оруулах тухай хуулийн төсөл болон хамт өргөн мэдүүлсэн хуулийн төсөл /Засгийн газар 2024.12.27-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/ · Нийгмийн даатгалын ерөнхий хуульд нэмэлт, өөрчлөлт оруулах тухай хуулийн төсөл /Улсын Их Хурлын гишүүн Б.Түвшин нарын 41 гишүүн 2025.05.09-ний өдөр өргөн мэдүүлсэн, хэлэлцэх эсэх, асуулт, хариулт 150 минут/ |
14.00 |
|||
Улстөр нийгэм
ЗГХЭГ-ын Тэргүүн дэд даргын үүрэг гүйцэтгэгчээр Д.Мөнх-Эрдэнийг томиллоо
ЗГХЭГ-ын Тэргүүн дэд дарга Б.Солонгоо Монгол Улсын Ерөнхий сайдын зөвлөхөөр ажиллах болсонтой холбогдуулан тус газрын Тэргүүн дэд даргын үүрэг гүйцэтгэгчээр Дэмбэрэлцэрэнгийн Мөнх-Эрдэнийг томиллоо.
Д.Мөнх-Эрдэнэ Засгийн газрын Хэрэг эрхлэх газрын Хууль, эрх зүйн газарт шинжээч, референт, газрын даргаар ажиллаж байжээ.
-
Цаг үе2019/09/19
Ирэх жил гурилын үнэ тогтвортой байна
-
Цаг үе2023/11/09
Үс шинээр үргээлгэх буюу засуулбал жаргал үргэлжид ирнэ
-
Урлаг спорт2020/10/30
Нийслэлийн 381 жилийн ойд зориулсан барилдаанд улс, аймгийн цолтой 256 бөх зодог...
-
Шударга мэдээ2020/11/30
Гамшгаас хамгаалах өндөржүүлсэн бэлэн байдлын зэрэгт шилжинэ