Шударга мэдээ
СКАЙтел ХХК “100 бэлэг авах 100 хэрэглэгч”-ийг тодруулна
ны өдрөөс 04 сарын 01-ний өдөр хүртэл 10 өдрийн турш 100 хэрэглэгчдэдээ:
- 100’000 нэгж
- 100GB дата
- 100’000₮-д кино үзэх гэх мэт супер бэлгийг бэлдлээ.
Санамсаргүй түүврийн аргаар 100 бэлгийн эздийг тодруулах бөгөөд өдөр бүр SKYtel фэйсбүүк хуудсаар шууд дамжуулна.
Монгол улсад орчин цагийн Харилцаа холбоо, мэдээллийн технологийн салбар үүсэж хөгжсөний 100 жилийн 22 жилд нь СКАЙтел ХХК-ийн түүх хамт бичигдэнэ. Тиймээс энэхүү түүхэн он цагийг угтан “100 ХЭРЭГЛЭГЧ-100 БЭЛЭГ” урамшууллыг хэрэглэгчдэдээ зориулж байгаа юм.
Орчин цагийн Харилцаа холбоо, мэдээллийн технологийн салбар 1921 онд ардын хувьсгалын онц цагтай эн зэрэгцэн үүсэж та бидэнтэй хамт өдгөө 100 жилийг үдэж, бидний амьдралын салшгүй хэсэг болсон байна.
Энэхүү салбарын 100 жилийн түүх 1921 онд Ардын засгийн газрын тэргүүлэгчдийн тогтоолоор “Монгол улсын шуудан бичиг, Цахилгаан мэдээний ерөнхий хороо” болон Монгол улсын хамгийн
анхны төрийн байгууллагуудын нэг “МОНЦАМЭ” МОНТА агентлаг байгуулагдсан цагаас эхлэлтэй.
Удаагаар 1934 оны 9 дүгээр сарын 01-нд Монгол улсын хэмжээнд орон даяар радио өргөн нэвтрүүлгийг албан ёсоор эхлүүлсэн түүхэн тэмдэглэлт өдөр тохиодог. Монгол оронд холбооны
байгууллагуудын тоо нэмэгдэж, тэдгээрийн ажлын хэмжээ, далайц өссөн тул холбооны техник, зохион байгуулалтын удирдлагыг сайжруулах зорилгоор 1944 оны 5 дугаар сард БНМАУ-ын Бага Хурлын Тэргүүлэгчдийн тогтоолоор “Харилцаа холбооны Ерөнхий хороо”-г БНМАУ-ын “Холбооны яам” болгон өөрчилсөн нь харилцаа холбооны хөгжилд түлхэц болжээ. Цаг хугацааны
эрхээр, хөрш орнуудын дэмжлэгтэйгээр энэ салбар улам бүр хөгжиж Цахилгаан холбооны үйлчилгээний төв барилгыг Улаанбаатар хотод барьж Улаанбаатар, Дархан, Сүхбаатар хотуудын
хооронд тэгш хэмт кабелийн шугам татжээ.
Түүний дараагаар 1967 оноос эхлэн зурагтын дэлгэц монгол айлд анх гэрэлтэн асч монгол ардын хувьсгалын 46 жилийн ойн баярын хурал, концертыг шууд дамжуулан үзүүлж байж.
1979 онд хот хоорондын хагас автомат телефон станц ашиглалтад орсон байна.
1986 он гэхэд Монгол улсын бүх сум, суурин газруудыг аймгийн төвтэй холбон харилцах болов. 1996 онд Шуудан цахилгаан холбооны газар байгуулагдан Монголд анх үүрэн холбооны ярианы
үйлчилгээ нэвтэрсэн юм.
Мэдээлэл технологийн салбар илүү өргөжих үндэс тавигдаж 1999 онд Радио долгионы тухай хууль батлагдав. 1996 онд утасгүй суурин телефоны үйлчилгээг Мобиком компани Улаанбаатар хотод нэвтрүүлсэн.
1999 онд үүрэн холбооны хоёрдогч оператор болох СКАЙтел ХХК үйл ажиллагаагаа албан ёсоор эхлүүлсэн юм. Мөн энэ ондоо Интернэтийн анхны үйлчилгээ /Датаком компани / нэвтэрч
интернэтийн үйлчилгээг авах эхлэл тавигдлаа. Улс дотроо, улс хооронд ч ярихад саадгүй болов.
2006 онд Юнител групп, 2007 онд ЖиМобайл ХХК үйл ажиллагаагаа эхлүүллээ. Эдгээр түүхэн үйл явдлын он цагийн хуудас эргэхийн хэрээр Харилцаа холбоо, мэдээллийн технологийн салбар үе шаттайгаар хөгжиж, технологийн дэвшлийг нэвтрүүлж өдгөө 100 жилийн ойтой золгож байна. Цаашид ч улам хөгжин цэцэглэх нь гарцаагүй.
Зуун дамжиж буй Харилцаа холбоо, мэдээллийн технологийн салбар хэмээх улс орны хөгжлийг манлайлагч, түүчээлэгч салбарын үе үеийн төлөөлөгчид, хүчин зүтгэлтнүүдээ Харилцаа холбоо,
мэдээллийн технологийн салбарын 100 жилийн ойн мэнд дэвшүүлье.
Шударга мэдээ
Шадар сайд Н.Номтойбаяр хүнс үйлдвэрлэгчидтэй уулзаж, экспортын асуудлыг хэлэлцлээ
Монгол Улсын Шадар сайд Н.Номтойбаяр 2026 оны дөрөвдүгээр сарын 29-нд “Очир дагинас” ХХК-ын үйл ажиллагаатай танилцаж, хүнс үйлдвэрлэгч хувийн хэвшлийн 30 гаруй аж ахуйн нэгжийн төлөөлөлтэй уулзлаа.
Уулзалтын эхэнд Шадар сайд Н.Номтойбаяр цаг үеийн шаардлагад нийцсэн стандартуудыг нэвтрүүлэх, олон улсын нийтлэг практикт хэрэглэгддэг зохицуулалтыг мөрдлөг болгох зорилгоор Стандартчилал, техникийн зохицуулалт, тохирлын үнэлгээний итгэмжлэлийн тухай хуулийн үзэл баримтлалыг шинэчлэн боловсруулсныг онцлов. Тус хуулийн төслийг баталснаар үйлдвэрлэгчид бараа бүтээгдэхүүнээ олон улсын стандартад нийцүүлэн экспортлоход тулгардаг нөхцөл, шаардлага хөнгөрөх боломжтойг тэмдэглэлээ.
Тэрбээр Монгол Улсад үйлдвэрлэж буй хүнс, хөдөө аж ахуйн бүтээгдэхүүнийг дотоодын зах зээлээр хязгаарлах бус, бүс нутгийн болон олон улсын зах зээлд гаргах бодит боломжийг тодорхойлох шаардлагатайг дурдав. Иймд чөлөөт бүсийг зөвхөн агуулахын зориулалтаар бус, үйлдвэржилт, экспорт, хөрөнгө оруулалт, ажлын байр бий болгох эдийн засгийн идэвхтэй бүс болгон хөгжүүлэх зорилт тавьж буйгаа илэрхийллээ. Мөн дотооддоо үйлдвэрлэх боломжгүй, их хэмжээний валютын урсгалтай бараа бүтээгдэхүүнийг чөлөөт бүсэд үйлдвэрлэх, нөгөө талаас дотоодын хүнс, хөдөө аж ахуй, хөнгөн үйлдвэрийн аж ахуйн нэгжүүд бүтээгдэхүүнээ чөлөөт бүсээр дамжуулан экспортлох боломжийн талаар санал солилцов.
Уулзалтад оролцсон хүнс боловсруулах үйлдвэрлэгчид чөлөөт бүсэд газар олголтын асуудлыг шийдвэрлэх, олон улсын стандартад нийцсэн тоног төхөөрөмжийг Монгол Улсад хүлээн зөвшөөрдөг байх шаардлагыг хөндөн тавьсан байна.
Шадар сайд Н.Номтойбаяр цаашид үндэсний үйлдвэрлэлийг дэмжиж, хөдөө аж ахуйн бүтээгдэхүүний нэмүү өртгийг өсгөн, чөлөөт бүсээр дамжуулан гадаад зах зээлд гаргах ажлыг бодит үр дүнд хүргэхэд анхаарч ажиллахаа илэрхийллээ.
Шударга мэдээ
“Европын өдөрлөг-2026” анх удаа орон нутагт болно
Монгол Улсын Ерөнхий сайд Н.Учрал /2026.04.28/ Европын Холбооноос Монгол Улсад суугаа Элчин сайд бөгөөд Төлөөлөгчийн газрын тэргүүн Ина Марчюлёнитег хүлээн авч уулзлаа.
Уулзалтын үеэр талууд Монгол Улс болон Европын Холбооны хамтын ажиллагааны өнөөгийн байдал, хэрэгжүүлж буй төсөл, хөтөлбөрүүд, хөрөнгө оруулалтын боломж, цаашид анхаарах шаардлагатай асуудлуудын хүрээнд санал солилцов.
Ерөнхий сайд Н.Учрал Европын холбооны гишүүн улсуудтай харилцаагаа өргөжүүлэн хөгжүүлэх нь Монгол Улсын гадаад бодлогын тэргүүлэх чиглэлүүдийн нэг болохыг онцолж, гадаадын хөрөнгө оруулалтыг нэмэгдүүлэх, хөрөнгө оруулалтын таатай орчныг бүрдүүлэх чиглэлээр Засгийн газраас хэрэгжүүлж буй бодлого, арга хэмжээний талаар танилцууллаа. Мөн “Чөлөөлье” санаачилгын хүрээнд эдийн засгийг идэвхжүүлэх, бизнесийн орчныг дэмжих зорилтуудыг Засгийн газар хэрэгжүүлж буйг онцлов.
Монгол Улс, Европын холбооны эдийн засаг, бизнесийн харилцаа сүүлийн жилүүдэд идэвхтэй өргөжиж байгааг тэмдэглээд, 2025 онд зохион байгуулагдсан Европын холбоо-Монгол Улсын бизнес, хөрөнгө оруулалтын форум болон 2026 онд болсон хөрөнгө оруулагчдын дугуй ширээний уулзалтыг дурдаж, Монгол Улсын Засгийн газар Европын хөрөнгө оруулалтын банктай нэг тэрбум еврогийн хөрөнгө оруулалтын Санамж бичиг байгуулсан нь хоёр талын хөрөнгө оруулалтын хамтын ажиллагааг шинэ шатанд гаргах чухал алхам болсон гэдгийг онцоллоо.
Мөн Монгол Улсын Ерөнхийлөгч У.Хүрэлсүхээс Нэгдсэн Үндэстний Байгууллагын Уур амьсгалын өөрчлөлтийн асуудлаарх Талуудын 17 дугаар бага хурал (COP-17)-д Европын холбооны өндөр түвшний төлөөлөгчийг оролцуулах урилга илгээснийг Ерөнхий сайд онцлоод тус хурал ногоон хөгжлийн салбарт хөрөнгө оруулалтын хамтын ажиллагааг өргөжүүлэх чухал талбар болно гэлээ.
Европын Холбооны Элчин сайд Ина Марчюлёните Европын улс орнууд Монгол Улсад хөрөнгө оруулах, ялангуяа сэргээгдэх эрчим хүчний салбарт хамтын ажиллагаагаа өргөжүүлэх сонирхол өндөр байгааг илэрхийлэв.
“Европын өдөрлөг-2026” үйл ажиллагаа Дархан-Уул аймагт ирэх сарын 23-нд болох гэж байгааг дурдаж өдөрлөг энэ жил анх удаа орон нутагт зохион байгуулагдах гэж байгааг онцоллоо.
Талууд байгаль орчин, орон нутгийн хөгжил, төр, хувийн хэвшлийн түншлэл зэрэг чиглэлээр хамтын ажиллагааг гүнзгийрүүлэх асуудлаар санал солилцов.
Шударга мэдээ
Трамп Ирантай хэлэлцээ хийхэд бэлэн байгаа ч "бөмбөг Ираны талд" гэдгийг санууллаа
АНУ-ын Ерөнхийлөгч Дональд Трамп Иран болон Израилийн хооронд үүсээд буй дайны нөхцөл байдалд өөрийн байр сууриа маш тодорхой илэрхийллээ. Тэрээр Ираныг "ухаалаг" байж, одоогийн дайсагналыг зогсоохын тулд өөрсдөө түрүүлж АНУ-тай холбоо барих санаачилга гаргах ёстой гэж үзэж байна. Трампын хэлж байгаагаар, хэрэв Иранчууд ярилцахыг хүсэж л байгаа бол тэдэнд утсаар ярих эсвэл биечлэн ирж уулзах боломж үргэлж нээлттэй байгаа гэнэ. Гэхдээ Исламабадад болохоор төлөвлөгдөж байсан уулзалтыг цуцалсан нь хоёр улсын хооронд шийдэгдээгүй маш том зөрчилдөөнүүд байсаар байгааг илтгэж байна.
Үүний зэрэгцээ Трамп өөрийн холбоотнууд болох НАТО-г ч зэмлээд авлаа. Тэрээр Ирантай үүссэн энэ хүнд цаг үед холбоотнууд нь АНУ-ыг хангалттай дэмжихгүй байна гэж гомдоллож байгаа юм. Ялангуяа Их Британи улс "дайн дууссаны дараа л хөлөг онгоц илгээнэ" гэж мэдэгдэж байгааг "сайн зүйл биш" хэмээн эрс шүүмжилжээ. Олон улсын ажиглагчдын үзэж байгаагаар, Трамп нэг талаас дипломат харилцааны хаалгыг нээлттэй үлдээж байгаа мэт боловч нөгөө талаас холбоотнуудаасаа илүү хүчтэй дэмжлэг, Иранаас илүү буулт шаардсан хатуу байр суурь баримталсаар байна.
