Улстөр нийгэм

Дэлхийн банк боловсролын хоцрогдлыг арилгах төслийг дэмжиж ажиллахаа илэрхийлэв

Огноо:

4 жил 2 сар.өмнө

2021/03/01

Боловсрол, шинжлэх ухааны сайд Л.Энх-Амгалан Дэлхийн банкны Монгол Улсыг хариуцсан менежер Андрей Михневийг хүлээн авч уулзлаа. Уулзалтын үеэр Дэлхийн банкнаас боловсрол, шинжлэх ухааны салбарт хэрэгжүүлж буй төсөл, хөтөлбөрийн хэрэгжилт, үр дүнгийн талаар санал солилцлоо.

Монгол Улсын Засгийн газар, Дэлхийн банкны хооронд байгуулсан Санхүүжилтийн хэлэлцээр, төслийн баримт бичгийн дагуу “Боловсролын чанарын шинэчлэл” төслийг хамтран хэрэгжүүлж байна. Төслийн хүрээнд сургалтын үр өгөөжийг сайжруулах, бага ангийн багшийн мэргэжлийн ур чадварыг багш бэлтгэх шатанд болон ажлын байранд нь ахиулах, сургуулийн тэтгэлэгт хөтөлбөр хэрэгжүүлэх, цар тахлын үед иргэдийн амьжиргааг хамгаалах, “Хүүхдийн мөнгөн тэтгэмж” хөтөлбөрт дэмжлэг үзүүлэх чиглэлээр анхаарч ажилласан. Үр дүнд 656 ерөнхий боловсролын сургууль, 320 мянган бага ангийн сурагч, 10,800 бага ангийн багш нар хамрагдаад байна.

Уулзалтын үеэр Боловсрол, шинжлэх ухааны сайд Л.Энх-Амгалан Монгол Улс Олон улсын суралцагчдын үнэлгээний хөтөлбөр буюу /PISA/ үнэлгээний системд 2022 онд анх удаа оролцож байгаатай холбогдуулан, цаашид суралцагчдын сургалтын үнэлгээнд хяналт шинжилгээ үнэлгээ хийх тогтолцоог бий болгоход дэмжлэг хүссэн юм. Мөн COVID-19 цар тахлын халдварт өвчний шууд болон шууд бус үр дагавар боловсролыг нээлттэй, ухаалаг цахим болгох нь чухал гэдгийг онцлон дурдсан. Үүнтэй холбогдуулан 2021-2025 онд цахим боловсролын хүрээнд сурагч, багш, байгууллагын цогц үнэлгээг хийх шинэ төсөл, хөтөлбөр боловсруулж хамтран ажиллах саналтай байгаагаа хэллээ.

“Чадварлаг багш” төслийг боловсруулж, багшийн чадавхид анхаарч ажиллах бодлоготой байгаагаа сайд Л.Энх-Амгалан онцлон хэлсэн юм. Багшийн мэдлэг, чадварыг дээшлүүлэх төсөл, хөтөлбөр хэрэгжүүлэх арга хэмжээ авах, орон даяар багш нарын нэгдсэн үнэлгээ хийж, цогц бодлого, систем боловсруулах чиглэлээр хамтрах саналыг мөн гаргав. Мөн түүнчлэн цар тахлаас үүдэлтэй хичээл, сургалтын үйл ажиллагаа цахимд шилжиж, сурагчдын хоцрогдол үүссэн. Цаашид хоцрогдлыг арилгах төсөлд хамтран ажиллах хүсэлтээ илэрхийллээ.

Дэлхийн банкны Монгол Улсыг хариуцсан менежер Андрей Михнев боловсролын салбарт хэрэгжүүлж буй төслөөс гадна, боловсролын хоцрогдлыг арилгах хөтөлбөрөөс санхүүжилт харамлахгүй гэдгээ онцлон хэллээ.

Эх сурвалж: БШУЯ

Уншсан:1916

Дараах мэдээ

Шадар сайд УОК-ын Шуурхай штабт ажиллалаа

Өмнөх мэдээ

"Нөхөн сэргээлт-2024" арга хэмжээг Экологийн цагдаагийн албатай хамтран хэрэгжүүлнэ

Дэлгэрэнгүй унших

АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Ерөнхийлөгчийн ивээл дор Нөмрөгийн дархан цаазат газарт тахь нутагшуулах төсөл хэрэгжүүлнэ

Огноо:

1 өдрийн өмнө

2025/05/02

Монгол Улсын Ерөнхийлөгч Ухнаагийн Хүрэлсүх Бүгд Найрамдах Чех Улсын Прага хотын амьтны хүрээлэнгийн захирал Мирослав Бобек болон Карлын их сургуулийн Монгол судлалын төвийн багш, монголч эрдэмтэн Вероника Каписовска нарыг хүлээн авч уулзлаа.

Уулзалтын үеэр Ерөнхийлөгч У.Хүрэлсүх Прага хотын амьтны хүрээлэн Монгол Улсад 30 гаруй жилийн турш зэрлэг амьтдыг хамгаалах, тэр дундаа тахийг сэргээн нутагшуулах, Говийн их дархан цаазат газрын хамгаалалтын захиргааны материаллаг баазыг бэхжүүлэх, боловсон хүчнийг чадавхжуулах, судалгаа шинжилгээний ажлыг эрчимжүүлэх чиглэлээр үнэтэй хувь нэмэр оруулж ирснийг онцлон тэмдэглэлээ.

Цаашид Монгол Улсын Ерөнхийлөгчийн ивээл дор Дорнод аймгийн Халх гол сумын нутагт орших Нөмрөгийн дархан цаазат газарт тахийг шинээр нутагшуулах төсөл хэрэгжүүлэхээр ярилцаж, говь, хуурай хээрийн бүсийн экосистемийн үнэлгээ хийх, экологийн хувьд онцгой ач холбогдолтой газар нутгийг тогтоож, тусгай хамгаалалтад авах, үүнд шаардлагатай мэргэжлийн зөвлөгөө, туслалцаа үзүүлэх чиглэлээр хамтран ажиллахаар болсонд Ерөнхийлөгч талархал илэрхийллээ.

Энэхүү уулзалт нь Монгол Улсын Ерөнхийлөгчийн 2025 оны гуравдугаар сард Бүгд Найрамдах Чех Улсад хийсэн төрийн айлчлалын мөрөөр хэрэгжүүлж буй ажлын нэг бөгөөд айлчлалын үеэр ярилцсан санал, санаачилгууд ийнхүү бодит ажил хэрэг болон хэрэгжиж байгаагийн илрэл юм.

Ерөнхийлөгч У.Хүрэлсүх төрийн айлчлалынхаа үеэр Прага хотын амьтны хүрээлэнд зочилж, шинээр төрсөн тахийн унаганд “Дагина” хэмээх нэр хайрлаж байсан юм.

Прага хотын амьтны хүрээлэн 2024 оны гуравдугаар сард “Монголын говь”-ийн байнгын үзмэр байгуулж, монгол гэр барин, тахь нутагшуулах төслийн үйл явц, үр дүнг харуулсан гэрэл зургийн үзэсгэлэнг олон нийтэд тогтмол толилуулж байна.

Мөн Бүгд Найрамдах Чех Улсын Ерөнхийлөгч Петр Павел Зэвсэгт хүчний Жанжин штабын даргаар ажиллаж байх хугацаандаа тахь нутагшуулах ажлын хүрээнд тахийг цэргийн онгоцоор тээвэрлэн Монгол Улсад авчрах шийдвэр гаргасан нь уг төслийн амжилтад чухал хувь нэмэр оруулсан юм. Үүний үр дүнд Хустайн нуруу, Хомын тал зэрэг бүс нутагт тахийн тоо толгой 1,000 гаруйд хүрээд байна.

Дэлгэрэнгүй унших

Улстөр нийгэм

УИХ-ын чуулганы нэгдсэн хуралдаан /2025.05.02/

Огноо:

1 өдрийн өмнө

2025/05/02

Дэлгэрэнгүй унших

Улстөр нийгэм

УИХ: Өнөөдөр чуулганы нэгдсэн хуралдаанаар...

Огноо:

1 өдрийн өмнө

2025/05/02

Монгол Улсын Их Хурлын чуулганы өнөөдрийн /2025.05.02/ нэгдсэн хуралдааны тов, хэлэлцэх асуудлуудыг та бүхэнд танилцуулж байна.

Д/Д

ХУРАЛДААН

ХЭЛЭЛЦЭХ АСУУДАЛ

ЦАГ

ТАНХИМ

· Гаалийн албан татвараас чөлөөлөх тухай хууль хүчингүй болсонд тооцох тухай хуулийн төсөл /Засгийн газар 2025.01.23-ны өдөр өргөн мэдүүлсэн, анхны хэлэлцүүлэг, асуулт, хариулт 90 минут/

· Амьтны тухай хуульд нэмэлт оруулах тухай хуулийн төсөл /Улсын Их Хурлын гишүүн О.Амгаланбаатар 2025.03.17-ны өдөр өргөн мэдүүлсэн, эцсийн хэлэлцүүлэг, асуулт, хариулт 60 минут/

10.00

“Их хуралдай”

· Монгол Улс дахь хүний эрх, эрх чөлөөний байдлын талаарх 24 дэх илтгэл

14.00

Дэлгэрэнгүй унших