Урлаг спорт
Зуун дамжсан дуунууд нэгэн тайзнаа эгшиглэх MY VOICE 2020
Эдгээр дуунуудын зохиогч Монгол Улсын Урлагийн Гавьяат Зүтгэлтэн, хөгжмийн зохиолч Л.Балхжавын 1980-аад оноос өнөөдрийг хүртэл зохиосон аялгуут дуунуудын хүрээнд зохион байгуулагдах 4 дэх удаагийн MY VOICE 2020 шоунд оролцохоор 1100 гаруй оролцогч бүртгүүлээд байна. Орчин үеийн хөгжмийн урлагийн бүхий л төрөл жанраар бүтээгдсэн зохиогчийн урын сангаас сонгож, өөр өөрийн өнгө аяс, төрөл жанраар дуулан 3 үеийн турш өрсөлдсөнөөр шилдэг оролцогч тодрох юм.
100 сая төгрөгний шагналын сантай “MY VOICE - 2020” үндэсний шоуны 3 шатанд өрсөлдсөнөөр авьяас чадвараараа цойлсон Ялагч бүрэн гүйцэтгэлтэй хаусны эзэн болж, уран бүтээлийн гараагаа эхэлнэ. 2020 оны 4 дүгээр улирлаас эхлэн хагас жилийн хугацаанд үзэгчдэд хүрэх MY VOICE үндэсний тв контентын санаачлагч, шоуны автор Л.Балхжав болон зохион байгуулагчдын зүгээс сонирхолтой гэнэтийн бэлгүүдийг оролцогчиддоо шат бүрт гардуулах болно.
Шоуны бүртгэлийг 2020 оны 9 дүгээр сарын 14-өөр тасалбар болгож, бүртгэгдсэн нийт оролцогчдыг хаалттай шатны шалгаруулалтаар 1 шатанд оролцох мандатыг олгоно. Дуулах авьяастай, өөрийгөө хөгжүүлэхийг эрхэмлэдэг хэн бүхнийг урьж байна. Мөн үндэсний контент телевизийн шоу нэвтрүүлэгт хамтран ажиллаж, компанийхаа үйл ажиллагааг олон нийтэд үр дүнтэй сурталчлах хамт олныг урьж байна
Урлаг спорт
“Дугуйтай Улаанбаатар-2025” өдөрлөг тавдугаар сарын 10-ны өдөр төв талбайд болно
Нийслэлийн иргэдийн дугуй унах соёл, хэрэглээг төлөвшүүлэх зорилгоор “Дугуйтай Улаанбаатар-2025” олон нийтийн өдөрлөгийг тавдугаар сарын 10-ны бямба гарагт 10:00-18:00 цагийн хооронд төв талбайд зохион байгуулна.
Жил бүр уламжлал болгон зохион байгуулах уг өдөрлөгийг НЗДТГ, нийслэлийн Биеийн тамир, спортын газар болон Монголын дугуйн холбоо хамтран зохион байгуулж байна.
Мөн уг өдөрлөгөөр дугуйн клубуудын танилцуулга, дугуй, дугуйн дагалдах хэрэгслийн дэлгүүрүүдийн худалдаа, засвар үйлчилгээ, банкуудын ногоон зээлийн танилцуулга, дугуй сонирхогчдын дунд чөлөөт худалдаа болно.
Түүнчлэн баланс байк хүүхдийн дугуйн тэмцээнийг хоёр ангилалд, засмал замын дугуйн тэмцээнийг долоон ангилалд зохион байгуулна. Баланс байк хүүхдийн дугуйн төрөлд бага нас 4-5 нас /эрэгтэй, эмэгтэй/ ангилалд тус бүр 200 метр уралдана. Засмал замын дугуйн төрөлд элит /эмэгтэй, эрэгтэй/, өсвөр үе /эмэгтэй, эрэгтэй/, сонирхогч /эмэгтэй, эрэгтэй/, мастер эрэгтэй ангилалд тус тус өрсөлдөж, шилдгүүдийг шалгаруулна. Засмал замын дугуйн төрөлд өрсөлдөж буй нийт тамирчин, дугуйчид 30 км, 40 км зайд тус бүр 20 тойрог өрсөлдөх юм.
“Дугуйтай Улаанбаатар-2025” олон нийтийн өдөрлөг нь төрөөс баримталж буй нийтийн биеийн тамир, спортыг хөгжүүлэх, иргэдэд эрүүл, зөв амьдралыг хэвшүүлэхэд бүх нийтийн оролцоог нэмэгдүүлж, дугуй унахыг бүх нийтийн спорт болгох, хүүхэд, залуучуудыг дугуйн спортоор сонирхон хичээллэхэд түлхэц болох, шинэ залуу залгамж үеийн тамирчдыг бэлтгэн гаргахад чухал ач холбогдолтой.
Урлаг спорт
Уран нислэгийн үзүүлбэрийн “Стрижи” баг Монгол Улсад ирнэ
Монгол Улсад Нисэх хүчин үүсэж хөгжсөний 100 жилийн ой энэ 2025 оны тавдугаар сарын 25-ны өдөр тохиох гэж байна.
Энэхүү түүхэн үйл явдлыг тохиолдуулан ОХУ-ын алдарт уран нислэгийн үзүүлбэрийн “Стрижи” баг МиГ-29 загварын сөнөөгч онгоцоор агаарт гайхамшигтай, давтагдашгүй үзүүлбэрээ толиулахаар боллоо.
“Стрижи” уран нислэг үзүүлбэрийг багийн оролцоо нь манай хоёр орны найрамдалт харилцаа, батлан хамгаалах салбарын хамтын ажиллагааг улам бэхжүүлж, залуу хойч үедээ эх оронч үзэл, нисэх хүчний сурталчлахад үнэтэй хувь нэмэр оруулах юм гэж Монгол Улсын Батлан хамгаалах яамнаас мэдээллээ.
Урлаг спорт
СХД-ийн 5 дугаар хороонд Бейсболын цэнгэлдэх хүрээлэн барина
Сонгинохайрхан дүүргийн 5 дугаар хороо, Хүүхэд, залуучуудын театрын ард 1.5 га талбайг чөлөөлж, Бейсболын цэнгэлдэх хүрээлэн барина. Уг байршилд нийслэлийн Засаг дарга бөгөөд Улаанбаатар хотын Захирагч Х.Нямбаатар болон холбогдох албаныхан ажиллалаа.
Энэ үеэр хотын дарга Х.Нямбаатар “Төрийн болон орон нутгийн өмчийн хөрөнгөөр бараа ажил үйлчилгээ худалдан авах тухай хуульд нийцүүлэн уг хороонд Бейсболын цэнгэлдэх хүрээлэн барих нээлттэй тендерийг зарлах бэлтгэл ажлыг хангасан. Гүйцэтгэгч сонгон шалгарсан тохиолдолд тус дүүргийн ЗДТГ захиалагчийн хяналт тавина” гэдгийг онцлов.
НЗДТГ-ЫН ХЭВЛЭЛ МЭДЭЭЛЭЛ, ОЛОН НИЙТТЭЙ ХАРИЛЦАХ ХЭЛТЭС
-
Цаг үе2020/03/04
Хурд хэмжигчийг байршуулан ажиллаж байна
-
Цаг үе2019/11/05
Гачуурт-Налайх-Чойр чиглэлийн хатуу хучилттай автозам ашиглалтад орлоо
-
Цаг үе2021/10/11
ОБЕГ: Ажлын хэсэг Өвөрхангай аймагт ажиллаж байна
-
Цаг үе2023/08/07
Үертэй холбоотойгоор нийтийн тээврийн зургаан чиглэлд өөрчлөлт оруулав