Цаг үе
Эрчим хүчний хэмнэлттэй орон сууцны төслүүдийг хэрэгжүүлэх суурь тавигдлаа
Сүрээр дарагч хэмээх гал морин жилийн ажлын эхний өдөр Нийслэлийн орон сууцны корпораци БНСУ-ын ‘’Mocuratec’’ ХХК-тай хамтран ажиллах санамж бичигт гарыг үсэг зурлаа.
Бид өнгөрсөн оны 11 дүгээр сард тус компанийн удирдлагуудтай хамтран ажиллах талаар санал солилцох уулзалтыг зохион байгуулж байсан. Тэгвэл өнөөдөр буюу шинийн зургааны билигт сайн өдөр тус компанитай Улаанбаатар хотын гэр хороолол болон сонгогдсон бүс нутгуудад дулаан хангамжийн зориулалттай эрчим хүчний хадгалах систем /ЭХХС/ болон оргил үеийн ачааллыг багасгах ЭХХС-ийн туршилтын төслүүдийг төлөвлөх, хэрэгжүүлэх мөн дулаан хангамжийг дэмжих, оргил ачааллыг бууруулах, цахилгаан сүлжээний тогтвортой байдлыг хангах зорилгоор лити-ион зай хураагуурт суурилсан контейнер хэлбэрийн эрчим хүчний хадгалах системийг хэрэглэх чиглэлд хамтран ажиллахаар боллоо.
Санамж бичгийн хүрээнд ЭХХС-д суурилсан системийн эрчим хүч хэмнэлтийн гүйцэтгэл, хүлэмжийн хийн ялгаралтыг бууруулах нөлөө, ажиллагааны хувилбаруудыг хамтран үнэлж, Улаанбаатар хотын байгаль орчны дэд бүтэцтэй холбоотой хамтын ажиллагааг өргөжүүлэх юм гэж Нийслэлийн Орон сууцны корпорациас мэдээллээ.
Цаг үе
АНУ-д гэр бүлийн маргаантай холбоотой буудалцаанд найман хүүхэд амиа алджээ
АНУ-ын Луизиана мужийн Шривпорт хотод гарсан буудалцааны улмаас найман хүүхэд амиа алдсан талаар цагдаагийн байгууллага мэдээллээ.
Албаныхны мэдээлснээр 31 настай этгээд эхлээд нэг эмэгтэйг буудаж, улмаар ойролцоох байшинд байсан хүүхдүүдийг буудан хөнөөсөн байна. Амиа алдсан хүүхдүүдийн долоо нь түүний өөрийнх нь хүүхдүүд байсан бөгөөд нас нь ойролцоогоор 1–12 хооронд байжээ. Эмгэнэлт үйл явдал орон нутгийн цагаар 2026 оны дөрөвдүгээр сарын 18-ны орой болсон байна.
Хэрэг явдлын үеэр хоёр эмэгтэй хүнд шархадсан бөгөөд тэдний биеийн байдал хүнд байгаа талаар албаныхан тодотгов. Сэжигтэн хэрэг үйлдсэний дараа автомашин дээрэмдэн зугтсан ч цагдаагийн мөрдлөгийн явцад буудуулж амиа алджээ.
Цагдаагийн байгууллага уг хэргийг гэр бүлийн маргаантай холбоотой, “дотоодын шинжтэй” хэрэг гэж үзэж байгаа бөгөөд шалтгааныг тогтоохоор мөрдөн шалгах ажиллагаа үргэлжилж байна.
Цаг үе
Сэлбэ голын гадна тохижилтын ажил 60 орчим хувьтай үргэлжилж байна
Сэлбэ голын тохижилтын ажил 2024 оны зургаадугаар сард эхэлсэн. Нийт 1.4 км урт түшиц ханын ажил бүрэн дууссан. Түшиц ханын дотуур хийх чулуун бэхэлгээний ажил дуусах шатандаа байна. Голын урсгал доор урсгал тохируулгын ажил хийж байна. УБЗАА-ны Хотын инженерийн дэд бүтцийн газрын дарга Л.Алтангэрэл болон холбогдох албаныхан төслийн талбайд ажиллалаа.
“Силла констракшн” ХХК-ийн ерөнхий менежер Х.Халиун “Тохижилтын ажил үргэлжилж байна. Голын эрэг дагуу ногоон байгууламжийн үрслэгээний хөрсийг тавьж байна. Шөнөдөө нэмэх хэмд хүрсний дараа олон наст ургамлын үрийг суулгана. Голын хоёр талын явган замын ажил хийгдэж байна. Газар шорооны ажил 90 хувьтай байна” гэв.
УБЗАА-ны Хотын инженерийн дэд бүтцийн газрын дарга Л.Алтангэрэл “Сэлбэ голын тохижилтын ажлыг Сөүл хотын төвөөр урсдаг голын тохижилтын ажилтай харьцуулан ярьдаг. Тус голыг сэргээхдээ Хан мөрнөөс ус татан голын урсцыг байнгын тогтмол урсацтай болгосон. Ингэснээр голын түвшин өөрчлөгдөж үерийн эрсдэл үүсдэггүй. Харин Сэлбэ голын тухайд өөрийн гэсэн онцлогтой юм” гэв.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
-
Урлаг спорт2019/12/20
“Нөлөө” хамтлаг “Үнэн бай” дуугаа дүрсжүүлжээ
-
Цаг үе2021/01/13
Өнөөдөр үхэр жилтнээ аливаа үйлийг хийхэд эерэг сайн
-
Шударга мэдээ2020/05/27
Монголын ард түмнээс ОХУ-ын ард түмэнд үзүүлж буй хүмүүнлэгийн тусламжийн гэрчил...
-
Цаг үе2024/11/01
БНХАУ-д байгалийн гаралтай аюулт үзэгдлийн улмаас нийт 323.2 тэрбум юанийн хохир...