Цаг үе
Хүүхдэд аюулгүй хүнсний орчин бүрдүүлнэ
“Эрүүл хооллолт, аюулгүй хүнс” сэдэвт хэлэлцүүлгийг зохион байгууллаа. Хэлэлцүүлгээр Хүнсний чиглэлийн хууль эрх зүйн шинэчлэлийн асуудлууд, Төрийн худалдан авалтын тогтолцоо ба боловсролын байгууллагын хүнсний үйлдвэрлэл, үйлчилгээ, Хүнсний бүтээгдэхүүний аюулгүй байдлын шаардлага, стандартын хэрэгжилт, түүхий эдийн гарал үүсэл, хяналт, баталгаажуулалт, Хадгалалт, тээвэрлэлтийн эрсдэл, урьдчилан сэргийлэх арга хэмжээ, Зөрчил, эрсдэлийг илрүүлэх, мэдээлэх, засах тогтолцооны талаар бодит шийдлийг тодорхойлох санал, зөвлөмжийг боловсруулан төрийн байгуулагуудад хүргүүлэхээр боллоо.
Энэхүү хэлэлцүүлэг нь хүнс үйлдвэрлэгч, ханган нийлүүлэгч, сургуулийн байгууллага, хяналтын байгууллагын хамтын ажиллагааг бэхжүүлж, хүүхдэд аюулгүй хүнсний орчныг бүрдүүлэхэд чухал алхам болсныг оролцогч талууд онцлов.
Монгол Улсын Ерөнхийлөгчийн 2022 оны 43 дугаар зарлиг, “Эрүүл Монгол хүн” хөтөлбөрийг хэрэгжүүлэх ажлын хүрээнд “Эрүүл хооллолт, аюулгүй хүнс” сэдэвт хэлэлцүүлгийг Эрүүл мэндийн яам, Эрүүл мэндийн хөгжлийн төв, Нийгмийн эрүүл мэндийн үндэсний төв, Боловсролын ерөнхий газар, Хүнсний эрдэм шинжилгээ, судалгааны хүрээлэн хамтран зохион байгуулсан ба салбарын төлөөлөл 80 гаруй хүн оролцлоо.
Цаг үе
ЦЕГ: Зодоон гарсан гэх цэргийн ангид хойшлуулшгүй шалгалтын ажиллагаа явуулж байна
Цахим орчинд хугацаат цэргийн алба хаагчид нэгнийхээ биед халдаж байгаа талаарх дүрс бичлэг энэ оны 12 дугаар сарын 23-ны өдрийн 22 цаг 40 минутад нийтлэгдсэн. Дээрх дүрс бичлэгтэй холбогдуулан Дотоодын цэргийн штабын Дотоод хяналт, аюулгүй байдлын хэлтсээс шалгалтын ажиллагааг холбогдох хууль, тогтоомжийн дагуу зохион байгуулж эхлээд байна.
Мөн дээрх асуудалд гэмт хэрэг, зөрчлийн шинжтэй үйлдэл байгаа эсэхийг шалгахаар Сонгинохайрхан дүүргийн цагдаагийн газрын Нэгдүгээр хэлтсийн шуурхай бүрэлдэхүүн хойшлуулшгүй ажиллагаа явуулж байна.
Хойшлуулшгүй ажиллагаа, шалгалтын үр дүнгийн талаар эргэн мэдээлэх болно.
Цаг үе
Дэлбэрэлтэд өртсөн 207 дугаар байрыг буулгалаа
2024 оны нэгдүгээр сард хий тээвэрлэж явсан автомашин дэлбэрсний улмаас Баянзүрх дүүргийн 26 дугаар хороо, Дүнжингарав худалдааны төвийн урд байрлах 207 дугаар байр дэлбэрэлтэд өртөж шатсан.
Дэлбэрэлт барилгын хийцэд нөлөөлөл үзүүлсэн гэж шинжээчид дүгнэж, барилгыг буулгаж, дахин барих шийдвэрийг нийслэлийн Засаг дарга бөгөөд Улаанбаатар хотын Захирагч Х.Нямбаатар гаргасан билээ.
Ингээд өнгөрсөн хугацаанд барилгыг буулгах тендерийг дөрвөн удаа зарласан боловч шаардлага хангах аж ахуйн нэгж санал ирүүлээгүй.
Тиймээс “Барилгын хог хаягдлыг дахин боловсруулах үйлдвэр” ОНӨААТҮГ 115 хоногийн турш ажиллаж, 13 давхар, бүрэн цутгамал барилгыг хугацаанд нь амжилттай буулгалаа. Иргэдийг хохиролгүй болгох үүднээс барилгыг буулгах хөрөнгийг эхлээд нийслэлийн төсвөөс гаргаж, шүүхийн шийдвэр гарч, гэм буруутай этгээдийг тогтоосны дараа гэм буруутай этгээдээр төлүүлэх юм.
НИТХ-аар нийслэлийн 2026 оны төсвийг батлахдаа 207 дугаар байрыг шинээр барих төсвийг баталсан.
Тус барилгыг барих гүйцэтгэгчийг сонгон шалгаруулах тендерийг зарлах бэлтгэл ажлыг хангаж байна.
Цаг үе
Цахим орчинд танилцсан эмэгтэйтэй уулзахаар очих үед нь бүлэглэн дээрэмджээ
Сонгинохайрхан дүүргийн нутаг дэвсгэрт Хамбын овооны хажууд дээрэмдүүлсэн гэх дуудлагыг энэ сарын 23-нд цагдаагийн байгууллага бүртгэжээ. Тодруулбал,Нэр бүхий иргэн цахимаар танилцсан эмэгтэйтэй шөнийн 02:00 цагт уулзахаар очиход 4 этгээд бүлэглэн зодож, гар утсыг нь дээрэмдсэн байна.
Тус хэргийг СХД-ийн цагдаагийн 3 дугаар хэлтсийн эрүүгийн цагдаагийн албанаас шалгаж хэргийг үйлдсэн 14-15 насны 4 этгээдийг олж тогтоожээ. Иймд цахим орчинд үл таних хүнтэй харилцаа тогтоож, уулзахгүй байхыг цагдаагийн байгууллагаас сэрэмжлүүлж байна.
-
Цаг үе2022/06/30
Гэр хорооллын дахин төлөвлөлтөөр 126 айлын орон сууц ашиглалтад орлоо
-
Цаг үе2024/06/13
АНУ-ын Тэнгисийн цэргийн академид монгол залуу шалгалт өгөөд тэнцжээ
-
Цаг үе2021/01/21
Өнөөдөр тахиа жилтнээ аливаа үйлийг хийхэд эерэг сайн
-
Цаг үе2023/10/16
Шүлхий өвчнөөс урьдчилан сэргийлэх 2023 оны намрын нэгдсэн дархлаажуулалт үргэлж...