Цаг үе
А.Амартүвшин: Түлш борлуулалтын цэгүүдийн үйл ажиллагаа жигдэрсэн
Нийслэлийн хэмжээнд нийт 400 гаруй цэгт түлш борлуулж буй. Нийслэлийн Засаг даргын орлогч А.Амартүвшин 314 дүгээр түлш борлуулах цэгт ажиллалаа.
НЗД-ын орлогч А.Амартүвшин “Борлуултын цэгүүдийн үйл ажиллагаа жигдэрсэн. 400 орчим цэг ажиллаж байгаагаас 370 нь түлшний нөөцтэй хонож байна. Айл өрхүүдэд долоо хоногт долоон шуудай түлш худалдаж байна. 12 дугаар сараас эхлэн хагас коксон түлшид бүрэн шилжинэ. Нийт гал түлж байгаа 172 мянган өрх бий. Түр оршин сууж байгаад шилжсэн, нас барсан иргэний “Сайн” картыг хүчингүй болгосон. Түр оршин суугчид “Тавантолгой түлш” ХХК-тай холбогдоод картаа аваарай гэж хүсье” гэлээ.
314 дүгээр түлш борлуулах цэгийн борлуулагч “Манай цэгийн ачаалал буурсан. Түлш элбэгшиж байгаа учир иргэдийн эрэлт ч дагаад буурсан байна. “Сайн” картаа хаяж гээгдүүлсэн тохиодлууд гарч байна. Хэрэв хаясан бол картаа хаалгах хэрэгтэй. Тэгээд иргэний үнэмлэхний QR код болон Хотула аппликейшн ашиглан худалдан авалтаа хийж болно” гэлээ.
Цаг үе
Хилийн боомтуудын тавдугаар сард ажиллах цагийн хуваарь
Хилийн боомтуудын 2026 оны тавдугаар сард ажиллах цагийн хуваарийг танилцуулж байна.
Цаг үе
УБЦТС: Өнөөдөр цахилгаан шугам тоноглолд хийгдэх засвар үйлчилгээний хуваарь
Цаг үе
ГЕГ: 417 грамм метамфетаминыг улсын хилээр хууль бусаар нэвтрүүлэхийг завдсан үйлдлийг илрүүллээ
Гаалийн байгууллага, тагнуул, цагдаагийн байгууллагын хамтын ажиллагааны хүрээнд 2026 оны дөрөвдүгээр сарын 18-ны өдөр Станбул-Улаанбаатар чиглэлийн нислэгээр зорчин ирсэн Монгол Улсын иргэн сэтгэцэд нөлөөт бодисыг улсын хилээр хууль бусаар нэвтрүүлэхийг завдсан байна.
Тухайн иргэн нь Нэгдсэн Үндэстний Байгууллагын 1971 оны конвенцын II хавсралтад багтсан 417 грамм метамфетамин бодисыг электрон бараанд нуун далдалж, дагалдах ачаандаа хийсэн байсныг Чингис хаан олон улсын нисэх буудал дахь гаалийн хяналтын бүсэд рентген шалгалтаар илрүүлэн, таслан зогсоосон.
Гаалийн байгууллагаас холбогдох хойшлуулшгүй ажиллагааг явуулж, уг хэргийг Цагдаагийн ерөнхий газрын Хар тамхитай тэмцэх албанд шилжүүлж, прокурорын хяналд дор мөрдөн шалгах ажиллагаа хийгдэж байна.
Сүүлийн үед мансууруулах бодисыг санаатай тээвэрлэхээс гадна, бусдад дайвар ачаа болгон өгөх, мөн энгийн бараанд нуун далдалж тээвэрлэх арга хэлбэр түгээмэл ашиглагдаж байна.
Иймд иргэн та гадаад улсад зорчихдоо танихгүй болон итгэлгүй хүнээс дайвар ачаа авахгүй байх, өөрийн тээш, ачааныхаа агуулгыг сайтар шалгах, хариуцлагаа ухамсарлах замаар энэ төрлийн гэмт хэргийн холбогдогч болохоос урьдчилан сэргийлэхийг гаалийн байгууллагаас анхааруулж байна.
