Шударга мэдээ
Төрийн банк харилцагч хүүхэд багачуудынхаа дунд уралдаант аян зарлалаа
Төрийн банк Олон улсын хүүхдийн эрхийг хамгаалах өдрийг угтан бага насны харилцагчдынхаа дунд уралдаант аян зарлалаа. Энэхүү уралдаант аян нь хуримтлалын ач холбогдлыг хүүхэд багачууд, асран хамгаалагчдад сурталчлан таниулах зорилготой бөгөөд насны ангиллаас хамааран гурван төрлөөр зохион байгуулагдана.
Хүүхэд багачууд та бүхнийг 2025 оны тавдугаар сарын 27-ны өдрийн 17:00 цаг хүртэл зураг, эсээ бичлэг, сошиал рийлсийн уралдаанд бүтээлээ ирүүлж, хуримтлалын соёлыг түгээхэд хувь нэмрээ оруулахыг уриалж байна. Бид бүтээлийн төрөл тус бүрээр гурван байр эзлүүлж, 2025 оны зургаадугаар сарын 01-ний өдөр буюу хүүхдийн баяраар шагналыг гардуулна.
УРАЛДААНТ АЯНЫ УДИРДАМЖ:
Уралдаант аяны болзол:
Аяны хүрээнд дараах хоёр нөхцөлийн аль нэгийг бүрдүүлсэн хүүхдүүд уралдаант аянд оролцох эрх үүснэ. Үүнд:
-
Төрийн банканд “Эхлэл” хүүхдийн хугацаатай хадгаламжийн данстай байх, дансгүй тохиолдолд данс нээлгэж 2025 оны 05 дугаар сард хамгийн багадаа 100,000 төгрөгийн орлогын гүйлгээ хийх;
-
Төрөөс олгож буй хүүхдийн мөнгөн тэтгэмжийг “Эхлэл” хүүхдийн хадгаламжийн данстай холбосноор тухайн дансанд 2025 оны 05 дугаар сард хамгийн багадаа 100,000 төгрөгийн орлогын гүйлгээ хийгдсэн байх.
Уралдааны насны ангилал болон бүтээлийн төрөл:
- “САННИ”-ийн нэрэмжит зургийн уралдаан;
Сэдэв: “Эхлэл” хүүхдийн хадгаламжийн талаар бүтээлдээ тусгах
Насны ангилал: 6-10 насны хүүхдүүд
- “БУКА”-ийн нэрэмжит эсээ бичлэгийн уралдаан;
Сэдэв: “Хуримтлал яагаад чухал вэ?”, “Мөрөөдлөө хадгалья” гэх мэт агуулга, сэдвийн хүрээнд бичих
Насны ангилал: 11-14 насны хүүхдүүд
- “ТОНИ”-ийн нэрэмжит “сошиал рийлс” бүтээх уралдаан;
Сэдэв: “Хуримтлал гэж юу вэ?”
Насны ангилал: 15 наснаас дээш насны хүүхдүүд
Уралдаант аяныг дүгнэх, шагнал гардуулах
Уралдааны материалуудыг 2025 оны 05-р сарын 27-ны өдрийн 17:00 цаг хүртэл хүлээн авна.
- Зураг, эсээ бичлэгийн уралдаанд ирүүлсэн бүтээлийг Төрийн банкны төв байрны нэгдүгээр давхарт хүлээн авна.
- Сошиал рийлсийг Төрийн банкны State Bank of Mongolia (Төрийн банк) фэйсбүүк хуудсаар дамжуулан хүлээн авна.
Бүтээлд тавигдах шаардлага
- Зургийн уралдааны оролцогчид А4 хэмжээтэй цаасан дээр зурсан байх. Сургууль, анги, нэр, холбоо барих утас зэргийг бүтээлийн баруун доод буланд тодорхой бичсэн байх,
- Эсээ бичлэгийн уралдаанд оролцогчид бүтээлээ 500 үгэнд багтаасан байх. Сэдвийн дагуу гаргацтай цэнхэр өнгийн үзгэн балаар бичиж ирүүлэх. Мөн сургууль, анги, нэр, холбоо барих дугаарыг бичсэн байх,
- Рийлс нь дуу, дүрс бичлэгийн шаардлага хангасан, дээд тал нь 60 секунд урттай байх.
Уралдаант аяны урамшуулал:
|
Уралдааны төрөл |
Уралдааны шагнал гардуулах өдөр |
Тоо |
Шагналын сан |
Тайлбар |
|
|
Зургийн уралдаан |
2025.06.01 |
1 |
1,500,000 |
“Эхлэл” хүүхдийн хадгаламжийн 1,500,000 төгрөгийн эрхийн бичиг /1-р байр/ |
|
|
1 |
1,000,000 |
“Эхлэл” хүүхдийн хадгаламжийн 1,000,000 төгрөгийн эрхийн бичиг /2-р байр/ |
|||
|
1 |
500,000 |
“Эхлэл” хүүхдийн хадгаламжийн 500,000 төгрөгийн эрхийн бичиг /3-р байр/ |
|||
|
|
1 |
1,500,000 |
“Эхлэл” хүүхдийн хадгаламжийн 1,500,000 төгрөгийн эрхийн бичиг /1-р байр/ |
||
|
Эсээ бичлэгийн уралдаан
|
|||||
|
1 |
1,000,000 |
Эхлэл” хүүхдийн хадгаламжийн 1,000,000 төгрөгийн эрхийн бичиг /2-р байр/ |
|||
|
1 |
500,000 |
“Эхлэл” хүүхдийн хадгаламжийн 500,000 төгрөгийн эрхийн бичиг /3-р байр/ |
|||
|
Рийлсийн уралдаан |
1 |
1,500,000 |
“Эхлэл” хүүхдийн хадгаламжийн 1,500,000 төгрөгийн эрхийн бичиг /1-р байр/ |
||
|
1 |
1,000,000 |
“Эхлэл” хүүхдийн хадгаламжийн 1,000,000 төгрөгийн эрхийн бичиг /2-р байр/ |
|||
|
1 |
500,000 |
“Эхлэл” хүүхдийн хадгаламжийн 500,000 төгрөгийн эрхийн бичиг /3-р байр/ |
Уралдааны талаар тодруулах бол Төрийн банкны 1800-1881 лавлах утсаар холбогдоорой.
Итгэл төгс Ногоон ирээдүй
Шударга мэдээ
Лаг хатааж, шатаах үйлдвэрийн барилга угсралтын ажлыг 2026 онд эхлүүлнэ
Манай улсад лаг шатаах үйлдвэр байхгүй. Тиймээс Төв цэвэрлэх байгууламжаас гарч байгаа лагийг боловсруулж, хатааж, шатаах технологиор устгаж, эрчим хүч үйлдвэрлэх төслийг хэрэгжүүлэхээр Улаанбаатар хотыг хөгжүүлэх 24 мега төсөлд тусгасан. Үйлдвэрийн барилга угсралтын ажлыг 2026 онд эхлүүлнэ. Өнөөдрийн байдлаар төслийн ТЭЗҮ-ийг боловсруулж, Барилгын хөгжлийн төвөөр магадлуулсан.
Барилга угсралтын тендерийг зарлахаар бэлтгэл хангаж байгаа юм. Уг үйлдвэрийг төр, хувийн хэвшлийн түншлэлээр Сонгинохайрхан дүүргийн 20 дугаар хороонд буюу Улаанбаатар хотын бохир ус цэвэрлэх байгууламжийн урд талын 40 мянган ам.метр талбайд барина. Үйлдвэр олон улсын стандартад нийцсэн, байгаль орчинд ээлтэй технологийг ашиглан хоногт дунджаар 250 метр.куб лаг боловсруулж, 238 тонн лаг шатаах хүчин чадалтай. Харин жилд 843.200 метр.куб лагийг дахин боловсруулж, шатаалтын явцад гарсан утаа, хий зэргийг өндөр технологийн агаар цэвэршүүлэх системээр шүүх юм.
Үйлдвэрийн ач холбогдол:
- Төв цэвэрлэх байгууламжаас гарсан лагийг боловсруулж устгана.
- Нийслэлийн хөрс, ус, агаарын бохирдлыг бууруулна.
- Үнэрийн голомтыг арилгана.
- Эрчим хүч үйлдвэрлэнэ.
- Ажлын байр нэмэгдэнэ.
- Хаягдлыг дахин ашиглах боломж бүрдэнэ.
Шударга мэдээ
Түлш хэрэглэгчдэд үйлчлэх төвийнхөн 24 цагийн турш угаарын хийн эрсдэлээс сэргийлэн ажиллаж байна
Нийслэлийн Түлш хэрэглэгчдэд үйлчлэх төв нь айл өрхүүдэд суурилуулсан алсын зайн дамжуулагчтай угаарын хий мэдрэгч төхөөрөмжид хяналт тавин ажилладаг. Тус төвийнхөн угаарын хий мэдрэгч төхөөрөмжөөс ирж буй мэдээлэлд үндэслэн яаралтай арга хэмжээ авч, болзошгүй эрсдэлээс урьдчилан сэргийлж байна.
Өнөөдрийн байдлаар нийслэлд 122 мянган айлд угаарын хий мэдрэгч төхөөрөмж ажиллаж байна. Эдгээр төхөөрөмжөөс ирэх мэдээллийг Түлш хэрэглэгчдэд үйлчлэх төвийн ажилчид 24 цагаар хянаж, угаарын хий илэрсэн айл өрхүүдтэй цаг алдалгүй холбогдож, анхааруулга сэрэмжлүүлэг хүргэдэг. Тодруулбал, хяналтын 20 оператор дөрвөн ээлжээр ажиллаж, ППМ100 болон түүнээс дээш заасан айл өрхүүдтэй бүртгэлтэй утасны дугаараар нь холбогдож, шаардлагатай тохиолдолд шуурхай баг явуулж, шалтгаан нөхцөлийг нь тодруулж, болзошгүй эрсдэлээс урьдчилан сэргийлж ажиллаж байна. Мөн шаардлагатай тохиолдолд засвар үйлчилгээний хэлтсийнхэн айл өрхүүдэд ажилладаг.
Түлш хэрэглэгчдэд үйлчлэх төвийн хяналтын системд нийслэлд ажиллаж байгаа бүх угаарын хий мэдрэгчийн дохиолол ирэх бөгөөд дараах түвшинд ангилан харуулдаг.
- Онц аюултай
- Аюултай
- Их бохирдолтой
- Дунд зэргийн
- Бага бохирдолтой
- Хэвийн
Галлагааны улирал эхэлснээс хойш тус төвийнхөн дэлгэцээр 15.525 дуудлага хүлээн авч, 31.050 хүний амь нас эрсдэхээс урьдчилан сэргийлжээ. Ингэхдээ 860 удаа гэрээт хяналтын ажилтныг угаарын дуудлагын дагуу холбогдож чадаагүй айл өрхүүд рүү явуулж, шаардлагатай арга хэмжээг авсан байна. Нийслэлийн долоон дүүрэгт 500 гэрээт хяналтын ажилтан албан хаагчид бий.
Тэд хяналтын төвөөс ирсэн угаарын түвшин өссөн тухай дуудлага мэдээллийн дагуу тухайн айлд хамгийн түрүүнд очиж анхны нөхцөл байдалтай танилцан, агаар сэлгэлт хийж, иргэдийг гарган, зөвлөгөө сэрэмжлүүлэг хүргэж 24 цагийн бэлэн байдалд ажилладаг. Гэрээт ажилтнууд угаарын хордлогын байдал хүндэрсэн, тусламж авах шаардлагатай иргэдийн тухай дуудлагыг эмнэлгийн байгууллагад өгч, шуурхай арга хэмжээ авах үүрэгтэй.
Угаар хийн хордлого илэрсэн айл өрхүүдийн нөхцөл байдал:
- Түлшний шаталт бүрэн дуусаагүй үед яндангаа авч өрхөө бүтээсэн
- Угаар мэдрэгч төхөөрөмжийг унтраасан, эвдсэн
- Зуух, пийшингийн бүрэн бүтэн байдал алдагдсан
- Яндан хөөлөөгүй гэх мэт шалтгаан нөхцөлийн улмаас угаарын хийн хордлого үүсэж байна
Шударга мэдээ
Иргэд, жолооч нарын анхааралд!
Өнөөдөр буюу 2025 оны 10 дугаар сарын 13-ний өдрийн 08 цагийн байдлаар орон нутгийн зарим зарим замд цас орж, халтиргаа гулгаа үүссэн тул анхаарал болгоомжтой зорчино уу.
Одоогийн байдлаар:
- Архангай - Цэцэрлэг
- Булган - Бугат, Булган, Бүрэгхангай, Могод, Орхон, Хутаг-Өндөр
- Завхан - Баянтэс, Баянхайрхан, Их-Уул, Нөмрөг, Тосонцэнгэл, Тэлмэн, Тэс
- Орхон - Баян-Өндөр
- Увс - Баруунтуруун, Зүүнговь, Малчин, Сагил, Түргэн, Улаангом, Өндөрхангай
- Хэнтий - Баян-Адрага, Биндэр, Дадал
- Хөвсгөл - Баянзүрх, Галт, Жаргалант, Рашаант, Тосонцэнгэл, Цагаан-Уул, Цэцэрлэг, Шинэ-Идэр, Эрдэнэбулган аймаг, сумдад цас орсон байна.
-
Цаг үе2021/04/19
Apple, Google компаниуд COVID-19 ERSDEL апп ашиглах зааврыг өнөөдөр иргэн бүрт и...
-
Цаг үе2025/10/08
"I pad air 4, I Phone 16 promax загварын гар утас зарна” гэх зарын дагуу очиж ...
-
Шударга мэдээ2024/03/04
Хүмүүнлэгийн тусламжийн цуваа орон нутгийг зорилоо
-
Улстөр нийгэм2022/03/25
Монгол дайчдын хөшөөнд цэцэг өргөж, хүндэтгэл үзүүлэв