Улстөр нийгэм
“Газрын нэгдмэл сангийн удирдлагын нэгдсэн мэдээллийн систем”-ийн журмыг баталлаа
Монгол Улсын Засгийн газрын 03 дугаар сарын 06-ны хуралдаанаар “Газрын нэгдмэл сангийн удирдлагын нэгдсэн мэдээллийн систем”-ийн журмыг баталлаа.
Журмын төслийн гол зорилго нь Газрын нэгдмэл сангийн удирдлагын нэгдсэн мэдээллийн системтэй холбогдсон харилцааг зохицуулахад орших бөгөөд энэхүү журмыг Газрын асуудал эрхэлсэн төрийн захиргааны байгууллага, аймаг, нийслэл, дүүргийн газрын асуудал эрхэлсэн төрийн захиргааны байгууллага, орон нутаг дахь хот байгуулалтын асуудал эрхэлсэн төрийн захиргааны байгууллага, ерөнхий архитектор, сумын газрын даамал, тухайн асуудал эрхэлсэн төрийн захиргааны төв байгууллага болон төрийн захиргааны байгууллага, тусгай зөвшөөрөлтэй аж ахуйн нэгж, байгууллага энэхүү журмыг үйл ажиллагаандаа мөрдөн ажиллах юм.
Тус журам нэвтэрснээр Газрын нэгдмэл сангийн удирдлагын нэгдсэн мэдээллийн системээр дамжуулан бусад салбарын орон зайн мэдээллийг нэгтгэн салбар хоорондын уялдаа холбоог хангаж, бүх шатны шийдвэр гаргах үйл ажиллагааг дэмжих юм.
Жишээлбэл, түүх соёлын дурсгалт газрууд, инженерийн шугам сүлжээ, усны болон ойн сан бүхий газрын хамгаалалтын зурваст болон ашигт малтмалын ашиглалт, хайгуулын талбайд давхцуулан газар олгох зөрчил арилгахаас гадна иргэд, олон нийт баттай эх сурвалжийн, нэгдсэн нэг стандартад нийцсэн өгөгдөл, мэдээллээр хангагдах боломж бүрдэнэ.
Улстөр нийгэм
УИХ: Өнөөдөр хуралдах дэд болон байнгын хороодын хуралдаан, хэлэлцүүлэг
Монгол Улсын Их Хурлын дэд болон байнгын хороодын өнөөдрийн /2026.05.11/ хуралдааны тов, хэлэлцэх асуудлуудыг бүхэнд танилцуулж байна.
Улстөр нийгэм
УИХ: Өнөөдөр хуралдах намын бүлэг, ажлын хэсгүүд
Монгол Улсын Их Хурал дахь намын бүлэг, ажлын хэсгүүдийн өнөөдрийн /2026.05.11/ хуралдааны товыг та бүхэнд хүргэж байна.
Улстөр нийгэм
Баянзүрх дүүргийн 14 болон 42 дугаар хороонд нийт 1.2 км авто зам барина
Нийслэлийн замын сангийн хөрөнгөөр энэ онд Баянзүрх дүүргийн 14 болон 42 дугаар хороонд хоёр байршилд нийт 1.2 км авто зам барина. Уг зам ашиглалтад орсноор Намьяанжугийн гудамжийг далан дагасан замтай холбож, Баянзүрх дүүргийн хороолол дундах зам өргөсөх юм. Энэ талаар нийслэлийн Замын хөгжлийн газрын Зам барилгын хяналтын хэлтсийн ахлах мэргэжилтэн Б.Түшиг-Эрдэнээс тодрууллаа.
НЗХГ-ын Зам барилгын хяналтын хэлтсийн ахлах мэргэжилтэн Б.Түшиг-Эрдэнэ “Эхний байршил нь, Баянзүрх дүүргийн 14 дүгээр хороо, Халдварт өвчин судлалын үндэсний төвийн эцсийн автобусны буудлаас зүүн тийш үерийн хамгаалалтын далан хүртэлх 720 метр үргэлжилнэ. Тус хэсгийн замыг хоёр эгнээ бүхий хоёр талдаа явган зам, гэрэлтүүлэг, борооны ус зайлуулах шугамтайгаар барина.
Хоёр дахь байршил нь, Баянзүрх дүүргийн 42 дугаар хороо, Цагаан хуаран хотхоны урд талаар Нарт хотхоныг тойрон, далан дагасан замтай нийлэх 440 метр урт авто зам барина. Гүйцэтгэгчээр “Шинэ хотын цамхаг” ХХК шалгарч, барилгын бэлтгэл ажлыг хангаж байна. Өнөөдрийн байдлаар трасст өртсөн нэгж талбаруудыг чөлөөлөх ажил үргэлжилж байна” гэв.
-
Цаг үе2020/03/19
Хоолой, амыг хэрхэн зайлах вэ
-
Улстөр нийгэм2022/09/14
УИХ-ын дарга Г.Занданшатар Европын Холбооноос Монгол Улсад суугаа Элчин сайд Акс...
-
Цаг үе2025/08/06
УБЦТС: Өнөөдөр хийгдэх засварын хуваарь
-
Үзэл бодол2023/12/01
Л.Оюун-Эрдэнэ: Монгол Улсад авлигын дагнасан шүүх зайлшгүй шаардлагатай гэж Ерөн...