Цаг үе
ЭХЭМҮТ: Нярайн эндэгдлээс сэргийлэх ээлжит цахим хурал боллоо
Эх, хүүхдийн эрүүл мэндийн үндэсний төвөөс Монгол Улсын “Алсын хараа-2050” урт хугацааны хөгжлийн бодлого, “Дэлхийн тогтвортой хөгжлийн зорилго 2016-2030”-д тусгасан нярайн эндэгдлийг бууруулах зорилт, Эрүүл мэндийн сайдын А/550 тоот тушаалын хэрэгжилтийн хүрээнд “Нярайн эндэгдлээс урьдчилан сэргийлэх” ээлжит цахим хурлыг хийлээ.
Хурлыг ЭХЭМҮТ-ийн эмчилгээ эрхэлсэн дэд захирал Т.Болормаа удирдаж, тус төвийн Тандалт судалгааны албаны эмч судлаач, Статистик мэдээлэл зүйн тасаг, Эх барих, эмэгтэйчүүдийн эмнэлэг, Хүүхдийн эмнэлэг, ЭНЭҮТ-II, Нийслэлийн амаржих газрууд, Нийслэлийн зургаан дүүргийн ЭМТ, НЭ, 17 аймгийн ЭМГ-ын удирдлага, БОЭТ, аймгийн НЭ-ийн хүүхдийн эмч, ЭМТҮЧАБА-ны дарга, менежер, сум, өрхийн ЭМТ-ийн нийт 169 эмч, мэргэжилтэн оролцсон.
Энэ удаагийн хуралд “Нярайн эндэгдлийн өнөөгийн байдал 2020-2024 оны I сар” сэдвээр ЭХЭМҮТ-ийн Тандалт судалгааны албаны их эмч Б.Одонгоо, “Нярайн үжил” сэдвээр Нярайн эрчимт эмчилгээний тасгийн их эмч Л.Ролзодмаа нар оролцогчдод онолын мэдлэг өгч, “Үжилтэй тэмцэх хөтөлбөр”-т тусгасан зөвлөмж, нярайн үжлийн үеийн артерийн дундаж даралт, шингэн сэлбэлт, допаминмиметик, адреномиметик, кортикостероид бүлгийн эмийн үйлчилгээний талаарх онцлогийг “Амгалан амаржих газар” төрөлжсөн мэргэшлийн эмнэлгийн нярайн зөвлөх эмч С.Энхтуяа танилцуулав гэж Эрүүл мэндийн яамнаас мэдээллээ.
Цаг үе
Замын тэмдэг тэмдэглэгээг бүрэн шинэчлэхэд шаардлагатай төсвийн тооцоолол хийнэ
Нийслэлийн Замын хөгжлийн газрын Бодлого төлөвлөлтийн хэлтсийн даргын албан үүргийг түр орлон гүйцэтгэгч М.Ичинхорлоо Улаанбаатар хотын авто зам, уулзваруудын ослын шалтгааныг тодорхойлж, тэмдэг тэмдэглэгээ болон хөдөлгөөний зохион байгуулалтын инженерийн шийдэл боловсруулах зөвлөх үйлчилгээний мэдээлэл танилцууллаа.
Энэ хүрээнд түгжрэлийг бууруулах ажлыг хэсгийн хуралдааны гишүүд санал солилцож, осол хамгийн ихээр гарч байгаа цэгүүдийн уулзварын зохион байгуулалт, эргэлтийн радиусыг тооцоолж үзэх нь зөв гэдэгт санал нэгдлээ.
Ажлын хэсгийн гишүүдийн саналын дагуу НИТХ-ын дарга А.Баяр ирэх жилүүдэд нийслэл хотын тэмдэг тэмдэглэгээг бүрэн шинэчлэхэд шаардлагатай төсвийн тооцоолол хийхийг Нийслэлийн замын хөгжлийн газарт үүрэг болголоо.
Эх сурвалж: НИТХ-ХМОНХА
Цаг үе
“Найрамдал” зуслан чиглэлийн 16 км авто замыг шинэчилж, улсын комисст хүлээлгэн өгөв
Сонгинохайрхан дүүргийн 22, 34 дүгээр хороо, Тахилтын уулзвараас “Найрамдал” зуслан чиглэлийн 16 км урт, хоёр эгнээ бүхий авто замыг бүрэн шинэчилж, улсын комисст хүлээлгэн өгөөд байна.
Тодруулбал, 2024 оны есдүгээр сараас тус авто замыг шинэчилж эхэлсэн бөгөөд өнгөрсөн онд 4 км авто замыг шинэчилсэн юм.
Харин энэ онд үлдсэн 12 км авто замыг шинэчилж, гэрэлтүүлэг, явган замын ажлыг дуусган улсын комисст хүлээлгэн өгөөд байна.
Тахилтын уулзвараас “Найрамдал” зуслан чиглэлийн авто замыг анх 1978 онд ашиглалтад оруулсан бөгөөд 46 жилийн дараа их засвар хийлээ.
Цаг үе
“Телеграммаар даалгавар биелүүлж мөнгөө өсгөөрэй” гэх зар залилан
-
Шударга мэдээ2021/12/03
Та өөрт ойр вакцины аль ч цэгт очиж дархлаажуулалтад хамрагдах боломжтой
-
Цаг үе2023/01/12
Нийслэлийн агентлагуудад хүргүүлсэн Зөвлөмжийн биелэлттэй танилцав
-
Цаг үе2020/11/17
Өнөөдөр нутгийн өмнөд хэсгээр цас орж, цасан шуурга шуурна
-
Улстөр нийгэм2023/09/26
Ерөнхийлөгч У.Хүрэлсүхэд ОХУ-ын Төрийн Думын дарга бараалхав