Шударга мэдээ
“Тавантолгой төмөр зам” ХХК, “УБТЗ” ХНН-тэй санамж бичиг байгууллаа
“Тавантолгой төмөр зам” ХХК Монгол-Оросын хувь нийлүүлсэн “Улаанбаатар төмөр зам” нийгэмлэгтэй байгуулсан харилцан ойлголцлын санамж бичгийг шинэчилж, “УБТЗ” ХНН-ийн дарга Х.Хэрлэн, “Тавантолгой төмөр зам” ХХК-ийн Гүйцэтгэх захирал Н.Будбаяр нар гарын үсэг зурж баталгаажууллаа.
Тус хоёр байгууллага хооронд 2019 оноос хамтын ажиллагаагаа эхлүүлсэн. Энэ хугацаанд “Тавантолгой төмөр зам” ХХК-ийн инженер техникийн ажилтан, механик, операторуудын мэргэжил дээшлүүлэх сургалт, “УБТЗ” ХНН-ийн зүгээс хөдлөх бүрэлдэхүүний засвар арчлалт, зүгшрүүлэлтийн тээвэрлэлтийн үед гол замын зүтгүүрийн дэмжлэг үзүүлэх зэрэг хэд хэдэн чиглэлд хамтран ажиллаж ирсэн.
Санамж бичигт гарын үсэг зурах үеэр “УБТЗ” ХНН-ийн дарга Х.Хэрлэн Монгол Улсын Их Хурлаас баталсан “Төрөөс төмөр замын тээврийн талаар баримтлах бодлого”-д тусгагдсаны дагуу Монгол Улсын төмөр замын сүлжээ өргөжин тэлж буй энэ үед “Тавантолгой төмөр зам” ХХК-тай бүх талаар хамтран ажиллахаа илэрхийлээд, амжилт хүсэв.
“Тавантолгой төмөр зам” ХХК-ийн Гүйцэтгэх захирал Н.Будбаяр компанийн хэрэгжүүлж буй төсөл хөтөлбөрүүдийг товч танилцуулаад олон арван жилийн баялаг түүхтэй Монгол Улсын төмөр замын салбарын ууган байгууллагатай хамтын ажиллагаагаа үргэлжлүүлэн хөгжүүлэх боломж бүрдэж байгаад баяртай байгаагаа тэмдэглэлээ.
Энэхүү санамж бичгийг байгуулснаар хоёр төмөр замын байгууллагын харилцаа улам бэхжиж, цаашид Монгол Улсын төмөр замын тээврийн найдвартай, тасралтгүй байдлыг хангахад чухал нөлөө үзүүлэх юм.
Цаашид хамтын ажиллагааны хүрээнд Тавантолгой-Гашуунсухайт чиглэлийн төмөр замын төслийн хүрээнд тээвэрлэлтийн үйл ажиллагаа явуулах, засвар үйлчилгээ хийх, төмөр замын тээврийн багц программ хангамжийг үйл ажиллагаандаа нэвтрүүлэх, хөдөлмөрийн аюулгүй байдал, эрүүл ахуйн сургалт, төмөр замын төв эмнэлэгт төмөр замын нарийн мэргэжлийн үзлэг оношилгоо хийлгэх зэрэг чиглэлээр хамтран ажиллахаар санамж бичигт шинэчлэн тусгалаа гэж Тавантолгой төмөр зам ХХК-иас мэдээллээ.
Шударга мэдээ
Мансууруулах, сэтгэцэд нөлөөт бодис хэрэглэсэн, хадгалсан этгээдүүдийг илрүүллээ
Шударга мэдээ
Зүрх судасны үндэсний төв байгуулах төслөөр 119 ортой эмнэлэг барина
Засгийн газрын ээлжит хуралдаан 2025 оны наймдугаар сарын 13-нд болж, Монгол Улс, Европын сэргээн босголт, хөгжлийн банк хооронд байгуулах “Зүрх судасны үндэсний төв байгуулах төсөл”-ийн Зээлийн хэлэлцээрийн төслийг хэлэлцэн дэмжээд Улсын Их Хурлын холбогдох Байнгын хороодтой зөвшилцөхөөр тогтов. Улсын Их Хурлын холбогдох Байнгын хороод дэмжсэн тохиолдолд уг Зээлийн хэлэлцээрт гарын үсэг зурах эрх олгох тухай Ерөнхий сайдын захирамж гарна.
Зүрх судасны шалтгаант нас баралт сүүлийн 20 жилд Монгол Улсын иргэдийн нас баралтын тэргүүлэх (2024 онд 5789 нас баралт) шалтгаан болж байна. Тус шалтгаант нас баралтын 35 хувь нь 45-65 насны иргэд байна. Иргэдийн дунд зүрх судасны өвчлөлийн эрсдэл, хүчин зүйлийн тархалт өндөр, 75 хувь нь зүрх судасны өвчлөлийн эрсдэлтэй байна.
Монгол Улсын хэмжээнд зүрхний мэс заслын 95, судсан дотуурх оношилгоо, эмчилгээний 67, хэм алдагдлын эмчилгээний 93 хувийг Улсын гуравдугаар төв эмнэлэг үзүүлж байна. Тус эмнэлэгт 2024 онд зүрхний нээлттэй мэс засалд 425 хүн орсны 120 нь хүүхэд байжээ. Тандан судалгаагаар 2030 он гэхэд манай улсын зүрх судасны тусламж, үйлчилгээний шаардлага 2.6 дахин нэмэгдэхээр тооцоолжээ.
“Зүрх судасны үндэсний төв” төслийн хүрээнд нийт 119 ортой эмнэлэг барихаар төлөвлөж байна. Тус төслийг Европын сэргээн босголт, хөгжлийн банкнаас олгох 34.9 сая ам.долларын зээлийн хөрөнгө болон Люксембургийн Их Гүнт Улсаас олгох 22.5 сая евро /25.13 сая ам.доллар/-ийн буцалтгүй тусламжаар хэрэгжүүлнэ.
Шударга мэдээ
Гурвалжингийн гүүрийн авто замын зүүн эгнээг хэсэгчлэн хааж, засвар шинэчлэлтийн ажлыг гүйцэтгэж байна
Улаанбаатар хотын авто замын засвар шинэчлэлтийн ажлын хүрээнд Биг худалдааны төвийн уулзвараас Саппорогийн уулзвар хүртэл /Гурвалжингийн гүүр/ авто замын зүүн эгнээг хэсэгчлэн хааж засвар шинэчлэлтийн ажлыг гүйцэтгэж байна.Тус авто замд 2010 оноос хойш засвар, шинэчлэлт хийгдээгүй юм.Авто замын зүүн эгнээг наймдугаар сарын 11-ний 23:00 цагт хаасан.
Тус засвар, шинэчлэлтийн ажлыг хугацаанаас нь өмнө дуусгаж, зорчих хэсгийн хөдөлгөөнийг нээхээр ажиллаж байна.
Мөн үргэлжлүүлэн наймдугаар сарын 12-ны өдрийн 23:00 цагт баруун эгнээг хэсэгчилж хааж засвар, шинэчлэлтийн ажлыг гүйцэтгэхээр төлөвлөн ажиллаж байгаа бөгөөд авто замын засвар, шинэчлэлтийн ажлаас шалтгаалан замын хөдөлгөөний ачаалал нэмэгдэж байгаа тул иргэд, жолооч та бүхэн бусад замыг сонгон хөдөлгөөнд оролцоно уу.
-
Улстөр нийгэм2022/06/20
Үндэсний аврах бригадыг Сүхбаатарын одонгоор шагналаа
-
Улстөр нийгэм2024/03/21
ЗГ: Үндэсний баялгийн сангийн тухай хуулийн төслийг УИХ-д өргөн мэдүүлнэ
-
Цаг үе2022/11/10
Улаанбаатар хотноо болох Зүүн Азийн залуучуудын наадмын бэлгэдэл дүрийг танилцуу...
-
Цаг үе2019/11/04
Үс шинээр үргээлгэх буюу засуулбал нас уртадна