Бидэнтэй нэгдэх

Цаг үе

Оршуулгын үйлчилгээнд олон улсын стандартууд нэвтрүүлж байна

Огноо:

,

“Улаанбаатар буян” ХХК-иас “Бид дэлхийн хөгжлийн түүчээ” семинарыг 7 дахь жилдээ зохион байгууллаа. Тус компани 2011 оноос эхлэн компанийнхаа үйл ажиллагаанд олон улсын Чанарын менежментийн тогтолцоо ISO9001, Байгаль орчны менежментийн тогтолцоо ISO14001, Хөдөлмөрийн эрүүл мэнд, аюулгүй байдлын OHSAS18001 стандартуудыг амжилттай нэвтрүүлж олон улсын түвшинд хүрсэн. Семинарын зорилго нь хуримтлуулсан мэдлэг туршлагаа бусдадаа таниулах, манлайлахад чиглэжээ.

Энэ удаагийн арга хэмжээнд БОАЖЯ, Стандарт хэмжил зүйн газар, Нийслэлийн мэргэжлийн хяналтын газар, Монголын мэргэшсэн хөдөлмөрийн аюулгүй байдал, эрүүл ахуйн мэргэжилтнүүдийн холбоо зэрэг төрийн болон төрийн бус байгууллагууд, оршуулгын үйлчилгээ эрхлэгчдийн төлөөлөл оролцов. Арга хэмжээний үеэр “Улаанбаатар буян” компани Монголын мэргэшсэн хөдөлмөрийн аюулгүй байдал, эрүүл ахуйн мэргэжилтнүүдийн холбоонд гишүүнээр элсэх, Хамтран ажиллах гэрээ байгууллаа.

Оршуулгын үйлчилгээнд олон улсын стандартыг нэвтрүүлснээр экологид ээлтэй, цэвэр, аюулгүй орчин бүрдүүлнэ. Тиймээс “Улаанбаатар буян” ХХК 2010 онд гараагаа эхэлж, 2012 онд олон улсын стандартын байгууллагаас аудит хийж цаашид олон улсын стандартын шаардлагуудыг бүрэн хангаж ажиллах эхлэлээ зөв тавьсан гэж үзээд анх батламжилж эхэлсэн юм. Үүнээс хойш жил бүр олон улсын стандартын байгууллагаас тогтмол аудит хийж батламжилж гэрчилгээ олгож байна.

Энэ үеэр Стандарт хэмжилзүйн газрын Стандартчилал, тохирлын үнэлгээний газрын дарга Г. Өнөржаргалаас сэтгэгдлийг нь сонслоо. Тэрбээр, “Манай улсын хэмжээнд зайлшгүй хөндөх, цаашид шийдвэрлэвэл зохих сэдэв хөндсөн арга хэмжээ болж байна. Үйлчилгээний тэр тусмаа оршуулгын үйлчилгээний байгууллага үйл ажиллагаандаа олон улсын стандартуудыг хэрэгжүүлээд зогсохгүй өөрсдийн туршлагыг бусад ижил үйл ажиллагаа явуулдаг байгууллагуудад сурталчлан таниулж байгаа нь чухал.

Оршуулгын үйл ажиллагаатай холбоотой байгаль орчинд үзүүлж буй нөлөөлөл, газар зохион байгуулалт гээд олон асуудал тулгамдаж байдаг. Тиймээс хамгийн оновчтой шийдэл нь оршуулгын үйл ажиллагаанд уламжлалт зан заншил, дэг жаяг, олон улсын жишигт нийцүүлсэн үндэсний стандартыг бий болгон нийтээр дагаж мөрдөх явдал юм” гэлээ.

Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Цаг үе

Модны хоёрын авто замыг хааж, шугам сүлжээ шинэчилнэ

Огноо:

,

Далив хутагт Жамсранжавын гудамж, Модны хоёрын "World Mongolia" төвийн баруун хойд талын дулааны худгаас 67 дугаар байрны оруулга хүртэл ус, дулааны шугам сүлжээг өргөтгөнө.
 
Ингэхдээ тус авто замыг шөнийн цагаар бүтэн, өдрийн цагаар хэсэгчлэн хаана.
 
- Зам хаах: 8 дугаар сарын 28-ны 22:00 цаг
 
- Зам нээх: 9 дүгээр сарын 30-ны 06:00 цаг
 
Иймд иргэд, жолооч та бүхэн бусад замыг сонгон хөдөлгөөнд оролцоно уу.
 
Дэлгэрэнгүй унших

Цаг үе

Их Монгол Улсын гудамжнаас Оргил худалдааны төвийн уулзвар хүртэлх замыг хэсэгчлэн хааж шинэчилнэ

Огноо:

,

Удирдлагын академийн гудамжны засвар, шинэчлэлтийн ажлын хүрээнд Их Монгол Улсын гудамжнаас Оргил худалдааны төвийн уулзвар хүртэлх авто замыг хааж асфальтбетон хучилт, тэмдэглэгээний ажлыг хийж гүйцэтгэнэ.

- Зам хаах: 8 дугаар сарын 29-ний 23:00 цаг

- Зам нээх: 9 дүгээр сарын 1-ний 05:00 цаг

Иймд иргэд, жолооч та бүхэн бусад замыг сонгон хөдөлгөөнд оролцоно уу.

Дэлгэрэнгүй унших

Цаг үе

Улаанбаатарт өөртөө 20 хэм дулаан

Огноо:

,

Малчид, иргэд, хадланчдын анхааралд: 29-ний өдөр Өвөрхангайн хойд хэсэг, Төв, Сэлэнгэ, Хэнтийн нутгаар бороо, дуу цахилгаантай аадар бороо орох тул болзошгүй мөндөр, аянга цахилгаан, үерийн аюулаас сэрэмжтэй байхыг анхааруулж байна.

2025 оны наймдугаар сарын 29-ний 08 цагаас 20 цаг хүртэл: Ихэнх нутгаар солигдмол үүлтэй. Баруун аймгуудын нутгийн зүүн хэсэг, төвийн аймгуудын ихэнх нутаг, зүүн аймгуудын нутгийн баруун, говийн аймгуудын нутгийн хойд хэсгээр бороо, дуу цахилгаантай аадар бороо, мөндөр орно. Салхи нутгийн зүүн өмнөд хэсгээр баруун өмнөөс, бусад нутгаар баруун өмнөөс хойш эргэж секундэд 5-10 метр, нутгийн зарим газраар борооны өмнө түр зуур ширүүснэ.Нутгийн хойд хэсгээр сэрүүсэж Хангай, Хөвсгөлийн уулархаг нутаг, Завхан голын эх, Хүрэнбэлчир орчим, Идэр, Тэс голын хөндийгөөр 9-14 хэм, Алтай, Хэнтийн уулархаг нутаг, Орхон-Сэлэнгийн сав газар, Туул, Тэрэлж, Хэрлэн голын хөндийгөөр 15-20 хэм, говийн бүс нутгийн өмнөд хэсгээр 26-31 хэм, бусад нутгаар 20-25 хэм дулаан байна.


УЛААНБААТАР ХОТ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 5-10 метр, борооны өмнө түр зуур ширүүснэ. 18-20 хэм дулаан байна.

БАГАНУУР ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 6-11 метр, борооны өмнө түр зуур ширүүснэ 18-20 хэм дулаан байна.

ТЭРЭЛЖ ОРЧМООР: Үүлшинэ. Дуу цахилгаантай аадар бороо орно. Салхи баруун өмнөөс хойш эргэж секундэд 4-9 метр, борооны өмнө түр зуур ширүүснэ. 17-19 хэм дулаан байна.


2025 оны наймдугаар сарын 30-наас
2025 оны есдүгээр сарын 03-ныг хүртэлх
цаг агаарын урьдчилсан төлөв

Наймдугаар сарын 30-нд төв болон говийн айгуудын нутгийн зүүн хэсэг, зүүн аймгуудын нутгийн зарим газраар, 31-нд Монгол-Алтай, Хангай, Хөвсгөлийн уулархаг нутаг, Онон, Улз голын хөндийгөөр, 9-р сарын 01-нд баруун аймгуудын нутгийн зарим газар, төвийн аймгуудын нутгийн баруун хойд хэсгээр, 02-нд баруун аймгуудын нутгийн хойд хэсэг, төв болон говийн аймгуудын нутгийн зарим газар, зүүн аймгуудын нутгийн баруун хэсгээр бороо, дуу цахилгаантай аадар бороо, мөндөр орно. Салхи 31-нд Алтайн уулархаг нутгаар секундэд 18-20 метр, 9-р сарын 01, 02-нд говь, тал, хээрийн нутгаар секундэд 15-17 метр хүрч ширүүснэ. Алтай, Хангай, Хөвсгөл, Хэнтийн уулархаг нутаг, Хүрэнбэлчир орчим, Тэрэлж голын хөндийгөөр шөнөдөө 4 хэмийн хүйтнээс 1 хэмийн дулаан, өдөртөө 12-17 хэм, говийн бүс нутгийн өмнөд хэсгээр шөнөдөө 12-17 хэм, өдөртөө 23-28 хэм, бусад нутгаар шөнөдөө 4-9 хэм, өдөртөө 17-22 хэм дулаан байна. 09-р сарын 01-нд нутгийн зүүн хагаст, 02-нд нутгийн зүүн өмнөд хэгсээр дулаан байна.

Дэлгэрэнгүй унших
сурталчилгаа
Цаг үе6 цаг 6 минут

Модны хоёрын авто замыг хааж, шугам сүлжээ шинэчилнэ

Цаг үе6 цаг 9 минут

Их Монгол Улсын гудамжнаас Оргил худалдааны төвийн уулзвар хүртэлх з...

Цаг үе7 цаг 44 минут

Улаанбаатарт өөртөө 20 хэм дулаан

Цаг үе7 цаг 50 минут

Дэлхийн банкны ОУСК ноолуурын салбарын бизнесийн орчны судалгаа хийн...

Цаг үе7 цаг 54 минут

Нийтийн тээврийн нэгдүгээр эгнээг чөлөөлснөөр автобус хүлээх хугацаа...

Улстөр нийгэм7 цаг 56 минут

Австралийн Холбооны Улсын Амбан захирагч төрийн айлчлал хийнэ

Цаг үе8 цаг 2 минут

Үнэт цаасны хоёрдогч зах зээлийн арилжаа эхэлсний ойд зориулж цан цо...

Цаг үе8 цаг 6 минут

“Сэлэнгэ-2025” хээрийн сургууль амжилттай явагдаж өндөрлөлөө

Улстөр нийгэм8 цаг 8 минут

ХХААХҮ-ийн сайд Ж.Энхбаяр гурил үйлдвэрлэгчдийг хүлээн авч уулзав

Шударга мэдээ8 цаг 10 минут

Хотын төвд хэт хуучин орон сууцыг дахин барилгажуулах, барилгын өндр...

Санал болгох