“Өвөг монголчуудын хосгүй үнэт өв” үзэсгэлэнгийн нээлт боллоо
Эхлэл   Чухлыг онцлов   Шударга мэдээ   Шударга яриа   Шударга нийтлэл   Улстөр-Нийгэм   Утга зохиол   Таны амралтанд   Entertainment  
155678
:      88110936: Tanai sitetai yaj holbogdoh ve      88101215: Hi busguichuude      88778433: Tsetserlegiin tuslah bagsh.n surgalt hicheellene      88061075: Bairni zaswar xine. Shawar xine.      96672451: 1      96672455: 155678      89222026: 18-20 tsarailag ohind tyslana      88182908: ene dugaaraas ugsun zariig ustaguulya      88719896: Tsarailag ohind tuslana      89121407: 23 tai dajgui undur zaluu bna      96057189: dajgvi japan mashin lizindej awna      88182908: zusland xymd baishin ymuu ger xulsluj suuna 95151006      88652149: Hi Egch busguitei taniltsay 34t zaluu bna      91990220: hi busgui      88055018: ��`�,��p0[ Á��1�\?����t��� }X�      88918144: Dajgui 31tei zalutai chin setgelese taniltsana      89044333: Land 100 zarna      88018885: Dajgui girls s ugyu. Sms      88114769: i3 aas deesh notebookeer solino 89212121 dugaariiig     
Улстөр-Нийгэм

“Өвөг монголчуудын хосгүй үнэт өв” үзэсгэлэнгийн нээлт боллоо

2017.11.10

Улаанбаатарын их сургуулийн Археологийн музейн хосгүй үнэт олдворуудын дээжсээс дэлгэн үзүүлсэн “Өвөг монголчуудын хосгүй үнэт өв” үзэсгэлэнгийн нээлт өнөөдөр Үндэсний түүхийн музейд болов.

Тус үзэсгэлэнгийн нээлтийн ёслолд Монгол Улсын Ерөнхийлөгчийн Тамгын газрын дарга З.Энхболд оролцож үг хэллээ.

Тэрээр хэлсэн үгэндээ “Улаанбаатарын Их Сургууль байгуулагдсаны 25 жилийн ойн хүрээнд ЮНЕСКО-гийн шийдвэрээр тэмдэглэдэг Дэлхийн шинжлэх ухааны өдрийг тохиолдуулан, Археологийн музейгээ олон түмэнд дэлгэн үзүүлж, сургалт-судалгааныхаа ажлын үр дүнг тайлагнаж байгаад баяртай байна.

Даяаршлын энэ цаг үед үндэсний өв соёлоо тодруулан батжуулах, өвлөн уламжлах, танин мэдүүлэх үүднээс түүх, археологийн судалгааг лавшруулж, өндөрт гаргах, судалгааны үр дүнг дэлгэх, нийтийн хүртээл болгон сурталчлан дэлгэрүүлэх нь үндэсний оршин тогтнохуйн дотоод аюулгүй байдалд баттай тулгуур болох нь дамжиггүй.

Археологийн тэнхимийн сургалт-эрдэм шинжилгээний ажлын үр дүнд илэрч олдсон өвөг монголчуудын хосгүй үнэт эдлэлүүд нь бид өвөг дээдсийнхээ оюуны сэтгэлгээний хязгааргүй чадамжаар бахархах баримт, тухайн цаг үеийнхээ Евразийн эдийн засаг, нийгмийн хөгжил цэцэглэлттэй энэ тэнцүү явж ирсний гэрч болж байна.

Та бүхэнд ололт амжилтаа улам бататган, судалгаа шинжилгээний ажлаа улам гүнзгийрүүлэн өргөжүүлж, тус сургууль нь дэлхийн нэртэй их сургуулийн зиндаанд хүрэхийг хүсэн ерөөе.

Монгол хүний эрдэм ухаан дэлгэрэх болтугай” гэлээ.

Улаанбаатарын их сургуулийн Археологийн музейг 2012 оны намар нээсэн бөгөөд Археологийн тэнхмийн судлаач, профессор багш нарын нийт 15 жилийн турш хэрэгжүүлсэн суурь судалгааны ажлын үр дүнд илэрсэн түүх, соёл, археологийн дурсгалуудаар сан хөмрөгөө байнга баяжуулсаар иржээ.

“Өвөг монголчуудын хосгүй үнэт өв” үзэсгэлэнд 6000-3000 жилийн өмнөх шинэ чулуун зэвсгийн түүхэнд холбогдох чулуун зуулга иртэй ясан хутга, хүрэл зэвсгийн үеийн дурсгал болох “Чемурчекийн соёл”-ын чулуун аягууд, “Мөнххайрханы соёл”-ын хүрэл хутга, хүрэл зүү, ясан зүүлт, “Буган хөшөөт хиригсүүрийн соёл”, “Дөрвөлжин булшны соёл”-ын булшнаас гарсан том, жижиг чулуун шанага зэрэг олдворууд багтсан байна. Мөн Архангай, Булган зэрэг аймгийн нутаг дахь хүннүчүүдийн булшнаас олдсон сүйх тэрэг болон морины алт, мөнгө, хүрэл тоног, чимэглэлүүд болон хүннүчүүд алт, мөнгө, хүрэл, төмөр олборлон хийж байсан хүрэл тогоо, ваар, гүц, аяга, хундага, жадны гилбэр, сүх, хоёр талдаа иртэй шулуун сэлэм, тэдгээрийг ирлэж байсан билүү, гуранз зэрэг эдлэл хэрэглэлийг дэлгэжээ.

Бас Ромын эзэнт улсын үед үйлдвэрлэсэн цагаан, хөх өнгийн шил хольж хийсэн маш нимгэн шилэн аяга үзэсгэлэнд тавигдсан нь Ази тивд төдийгүй Монголоос олдсон хамгийн эртний шилэн эдлэлийн цор ганц хосгүй үнэт дурсгал ажээ. Үзэсгэлэнгийн хамгийн ховор үзмэрийн нэг нь халтар хашаар хийсэн 23 см голч бүхий сийлбэртэй чамин тансаг толь юм.

Үзэсгэлэнг энэ сарыг дуустал олон нийтэд үзүүлэх ажээ.

Улаанбаатарын их сургуулийн Археологийн музейн хосгүй үнэт олдворуудын дээжсээс...

Хэвлэх
  Сүүлийн 5 мэдээ
СЭТГЭГДЭЛ:
Уншигчдын бичсэн сэтгэгдэлд SHUDARGA.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Сэтгэгдэлтэй холбоотой санал гомдлыг 99959385 утсаар хүлээн авна
Таны нэр:
Таны сэтгэгдэл:
Сэтгэгдэл Нийт: 0
Эхлэл   Чухлыг онцлов   Шударга мэдээ   Шударга яриа   Шударга нийтлэл   Фото мэдээ   Видео мэдээ   Шударга хэлэлцүүлэг  
Үйлчилгээний нөхцөл | Холбоо барих | Сурталчилгаа байршуулах | Вэб сайт хийх | RSS
Зохиогчийн эрх хуулиар хамгаалагдсан. Мэдээлэл хуулбарлах хориотой © 2010 SHUDARGA.MN