Сайд Ц.Мөнх-Оргил Москвагийн олон улсын харилцааны дээд сургуулиар зочлов
Эхлэл   Чухлыг онцлов   Шударга мэдээ   Шударга яриа   Шударга нийтлэл   Улстөр-Нийгэм   Утга зохиол   Таны амралтанд   Entertainment  
155678
:      88110936: Tanai sitetai yaj holbogdoh ve      88101215: Hi busguichuude      88778433: Tsetserlegiin tuslah bagsh.n surgalt hicheellene      88061075: Bairni zaswar xine. Shawar xine.      96672451: 1      96672455: 155678      89222026: 18-20 tsarailag ohind tyslana      88182908: ene dugaaraas ugsun zariig ustaguulya      88719896: Tsarailag ohind tuslana      89121407: 23 tai dajgui undur zaluu bna      96057189: dajgvi japan mashin lizindej awna      88182908: zusland xymd baishin ymuu ger xulsluj suuna 95151006      88652149: Hi Egch busguitei taniltsay 34t zaluu bna      91990220: hi busgui      88055018: ��`�,��p0[ Á��1�\?����t��� }X�      88918144: Dajgui 31tei zalutai chin setgelese taniltsana      89044333: Land 100 zarna      88018885: Dajgui girls s ugyu. Sms      88114769: i3 aas deesh notebookeer solino 89212121 dugaariiig     
Улстөр-Нийгэм

Сайд Ц.Мөнх-Оргил Москвагийн олон улсын харилцааны дээд сургуулиар зочлов

2017.02.16

ОХУ-ын Гадаад хэргийн сайд С.В.Лавровын урилгаар тус улсад ажлын айлчлал хийж буй Монгол Улсын Гадаад харилцааны сайд Ц.Мөнх-Оргил Москвагийн Олон улсын харилцааны дээд сургуулийн захирал А.В.Торкуновын урилгыг хүлээн авч өөрийн төрөлх сургуульд зочлов. Москвагийн Олон улсын харилцааны дээд сургуулийн захирал А.В.Торкунов Гадаад харилцааны сайд Ц.Мөнх-Оргилыг хүлээн авч уулзав.

Уулзалтын эхэнд А.В.Торкунов Москвагийн Олон улсын харилцааны дээд сургууль төгсөгчдийн нэг Монгол Улсын Гадаад харилцааны сайдаар томилогдон ажиллаж байгаад баяртай байгаагаа илэрхийлээд Монгол Улсын төрийн эрхэнд  улс төрийн аль нам гарснаас үл хамаарч төрийн удирдлагын бүрэлдэхүүнд тус сургуулийн төгсөгчид ямагт байдагт таатай байдгаа тэмдэглэв. Мөн 1946 оноос хойш 500 гаруй монгол оюутан Москвагийн Олон улсын харилцааны дээд сургуулийг амжилттай төгссөн болохыг онцлов.

Гадаад харилцааны сайд Ц.Мөнх-Оргил өөрийн ажил, амьдралын гарааг зөв тавьж өгсөн төрөлх сургууль, багш нартаа байнга талархаж явдгаа илэрхийлэв. Мөн Москвагийн Олон улсын харилцааны дээд сургуулийн монгол төгсөгчдийн холбоо идэвхтэй үйл ажиллагаа явуулсан хэвээр байгааг мэдэгдэж тус сургуулийн анхны монгол төгсөгчдийн нэг, академич Л.Бира гуайн талаар дурсан ярив. Түүнчлэн монголын оюутнуудыг сурган хүмүүжүүлж буйд талархал илэрхийлэхийн хамт тус сургуульд ОХУ-ын Засгийн газрын тэтгэлгээр суралцах монгол оюутны тоог нэмэгдүүлэх боломжийг судалж үзэхийг хүсэв.

Гадаад хэргийн яамд хоорондын хамтын ажиллагааны гэрээний дагуу 2016 онд Монгол Улсын ГХЯ-ны 15 дипломатыг Москвагийн Олон улсын харилцааны дээд сургуульд мэргэжил дээшлүүлэх богино хугацааны сургалтад хамруулж, сургалтыг амжилттай зохион байгуулсанд мөн талархал илэрхийлж, цаашид ГХЯ-ны шугамаар Монголын дипломат албан хаагчдыг мэргэжил дээшлүүлэх сургалтад үргэлжлүүлэн хамруулах санал тавив.

Уулзалтын үеэр талууд жил бүр зохиогддог Москвагийн Олон улсын харилцааны дээд сургууль төгсөгчдийн олон улсын ээлжит чуулга уулзалтыг Улаанбаатар хотноо 2018 онд зохион байгуулах боломжийн талаар ярилцав. 400 гаруй төгсөгчид оролцсон төгсөгчдийн анхны уулзалтыг Баку хотноо зохион байгуулсан бол энэ жилийн уулзалтыг Астана хотноо зохион байгуулахаар бэлтгэж буй талаар А.В.Торкунов сонирхуулан мэдээлэв. Мөн 1957 оноос зохиогдож буй Дэлхийн оюутан, залуучуудын их наадмын 60 жилийн ой 2017 онд тохиож буй тул ОХУ-ын Сочи хотноо болох уг арга хэмжээнд Монгол Улсаас төлөөлөгчид өргөнөөр оролцоно хэмээн найдаж буйгаа илэрхийлжээ.

Гадаад харилцааны сайд Ц.Мөнх-Оргил Москвагийн Олон улсын харилцааны дээд сургуулиар зочлох үеэрээ тус сургуульд сурч буй монгол оюутнууд, монгол судлалын чиглэлээр боловсрол эзэмшиж буй оросын оюутнууд, монголч судлаач эрдэмтэд, багш нартай уулзан тэдний сонирхсон асуултад хариулт өглөө. Уулзалтыг нээж Москвагийн Олон улсын харилцааны дээд сургуулийн захирал А.В.Торкунов үг хэлэх үеэрээ Гадаад харилцааны сайд Ц.Мөнх-Оргилын дан онц дүнтэй сургалтын дүнгийн дэвтрийн хуулбарыг гардуулан өгөв.

ОХУ-ын Гадаад хэргийн сайд С.В.Лавровын урилгаар тус улсад ажлын айлчлал хийж ...

Хэвлэх
  Сүүлийн 5 мэдээ
СЭТГЭГДЭЛ:
Уншигчдын бичсэн сэтгэгдэлд SHUDARGA.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Сэтгэгдэлтэй холбоотой санал гомдлыг 99959385 утсаар хүлээн авна
Таны нэр:
Таны сэтгэгдэл:
Сэтгэгдэл Нийт: 0
Эхлэл   Чухлыг онцлов   Шударга мэдээ   Шударга яриа   Шударга нийтлэл   Фото мэдээ   Видео мэдээ   Шударга хэлэлцүүлэг  
Үйлчилгээний нөхцөл | Холбоо барих | Сурталчилгаа байршуулах | Вэб сайт хийх | RSS
Зохиогчийн эрх хуулиар хамгаалагдсан. Мэдээлэл хуулбарлах хориотой © 2010 SHUDARGA.MN