Эмгэнэл
Эхлэл   Чухлыг онцлов   Шударга мэдээ   Шударга яриа   Шударга нийтлэл   Улстөр-Нийгэм   Утга зохиол   Таны амралтанд   Entertainment  
155678
:      88110936: Tanai sitetai yaj holbogdoh ve      88101215: Hi busguichuude      88778433: Tsetserlegiin tuslah bagsh.n surgalt hicheellene      88061075: Bairni zaswar xine. Shawar xine.      96672451: 1      96672455: 155678      89222026: 18-20 tsarailag ohind tyslana      88182908: ene dugaaraas ugsun zariig ustaguulya      88719896: Tsarailag ohind tuslana      89121407: 23 tai dajgui undur zaluu bna      96057189: dajgvi japan mashin lizindej awna      88182908: zusland xymd baishin ymuu ger xulsluj suuna 95151006      88652149: Hi Egch busguitei taniltsay 34t zaluu bna      91990220: hi busgui      88055018: ��`�,��p0[ Á��1�\?����t��� }X�      88918144: Dajgui 31tei zalutai chin setgelese taniltsana      89044333: Land 100 zarna      88018885: Dajgui girls s ugyu. Sms      88114769: i3 aas deesh notebookeer solino 89212121 dugaariiig     
Цаг үеийн мэдээ

Эмгэнэл

2017.02.03

Бямбын Чантуу
/1940-2017/

Гэрэл зурагчид бидний эрхэм хүндэт хүн, Монгол Улсын Соёлын гавьяат зүтгэлтэн Бямбын Чантуу бурханы оронд заларлаа. Гэрэл зураг, түүн дотроо Монголын гэрэл зургийн түүх судлалаар голлон ажилладаг ахмад уран бүтээлч, гэрэл зурагчдын дундаас төрсөн цөөхөн гавьяат цолтны нэг Б.Чантуу нь залуу дунд үеийнхний даган дуурайдаг, үлгэр жишээ авдаг эрхэм хүн, нэрт сэтгүүлч байлаа.

1940 онд Ховд аймгийн Цэцэг суманд төрсөн. 1960 оноос гэрэл зураг авч эхэлсэн. Сурган, сэтгэл судлалын багш, сэтгүүлч мэргэжилтэй. 1961-1963 онд Москва хотноо Комсомолын дээд сургуулийн фото дамжаанд суралцаж төгсчээ. 2001 оноос хэвлэл мэдээллийн “Адмон” компанид архивын эрхлэгчээр ажиллаж байлаа.

Ховд аймгийн ХЗЭ-ийн хороонд Хэлтсийн эрхлэгч, Хоёрдугаар нарийн бичгийн дарга, “Залуучуудын үнэн “сонинд тусгай сурвалжлагч, утга зохиолын ажилтан, гэрэл зургийн сурвалжлагч, МАА-ийн 121 дүгээр ангийн ХЗЭ-ийн хорооны дарга, Армийн улс төрийн газар тогтоол, бичиг хэрэг, нууцын дарга, тасгийн дарга, “Улаан Од” сонинд хэлтсийн дарга, хариуцлагатай нарийн бичгийн дарга, Нэгдсэн редакцийн ерөнхий эрхлэгч, Найрамдалт армиудын Спортын хорооны “СКДА” сэтгүүлд редакцийн зөвлөлийн гишүүн, МСХ-ны хорооны архивын эрхлэгч, Улсын төв номын сан зэрэг газарт хариуцлагатай алба хашиж байсан нэрт сэтгүүлч байв.

Түүний хөдөлмөр зүтгэлийг үнэлж Хөдөлмөрийн хүндэт медаль, Цэргийн гавьяа медаль, Цэргийн гавьяаны одон, Улс хувьсгалын ойн медалиуд, Цэргийн ойн медалиуд, ЗХУ, Вьетнам, Польш улсын цэргийн медалиуд, Найрамдалт армиудын СКДА алтан медаль, Батлан хамгаалах яамны Хүндэт тэмдэг, МСХолбооны хүндэт тэмдэг, Баянгол дүүргийн Хүндэт иргэн, Монгол Улсын Соёлын гавьяат зүтгэлтэн зэрэг цолоор тус тус шагнаж байжээ.
Гэрэл зургаараа 1965 онд “Залуу үе” сэтгүүлийн оны шилдэг гэрэл зурагчин, 1978 онд “Үнэн” сонины шилдэг гэрэл зургийн сурвалжлагч, 1980 онд “Монголын эмэгтэйчүүд” сэтгүүлийн оны шагнал, 1998 онд Монголын сэтгүүлчдийн холбооны тусгай шагнал зэрэг амжилтыг үзүүлж байв.

2000 онд “ХХ зууны монголчууд” үзэсгэлэн, 2002 онд “Эрх зүйт ёсон” зэрэг үзэсгэлэнд оролцож, Монголын түүхийн таван боть, Улаанбаатар түүхийн цомог, Хүрээ, Нийслэл цомог, Монголын зохиолчдын шилмэл тууж, өгүүллэг зургаан боть, Монголчууд ХХ зуун цувралууд зэрэг ном бүтээлд оролцсон авъяаслаг уран бүтээлч байлаа.

Түүний гэр бүл, үр хүүхэд, төрөл төрөгсөд болон ойр дотныхон, мэргэжил нэгт нөхдөд нь гүн эмгэнэл илэрхийлье.

Ум сайн амгалан болтугай.
Монголын Гэрэл зурагчдын нэгдсэн холбоо

Гэрэл зурагчид бидний эрхэм хүндэт хүн, Монгол Улсын Соёлын гавьяат зүтгэлтэн ...

Хэвлэх
  Сүүлийн 5 мэдээ
СЭТГЭГДЭЛ:
Уншигчдын бичсэн сэтгэгдэлд SHUDARGA.mn хариуцлага хүлээхгүй болно. Та сэтгэгдэл бичихдээ бусдын эрх ашгийг хүндэтгэн үзнэ үү. Сэтгэгдэлтэй холбоотой санал гомдлыг 99959385 утсаар хүлээн авна
Таны нэр:
Таны сэтгэгдэл:
Сэтгэгдэл Нийт: 1
Эхлэл   Чухлыг онцлов   Шударга мэдээ   Шударга яриа   Шударга нийтлэл   Фото мэдээ   Видео мэдээ   Шударга хэлэлцүүлэг  
Үйлчилгээний нөхцөл | Холбоо барих | Сурталчилгаа байршуулах | Вэб сайт хийх | RSS
Зохиогчийн эрх хуулиар хамгаалагдсан. Мэдээлэл хуулбарлах хориотой © 2010 SHUDARGA.MN