Бидэнтэй нэгдэх

Улстөр нийгэм

ХАСХОМ-ийг шинэчлэн бүртгүүлэх ажил улсын хэмжээнд 40 гаруй хувьтай байна

Огноо:

,

Авлигатай тэмцэх газрын Хяналт шалгалт, дүн шинжилгээний хэлтэс нь 2022 оны 1 дүгээр сарын 17-21-ний өдрүүдэд нийтийн албанд томилогдохоор нэр дэвшсэн 361 иргэний хувийн ашиг сонирхлын урьдчилсан мэдүүлгийг шалган, 120 мэдүүлгийг хянан шийдвэрлэлээ. Одоогоор ажиллагаанд 241 нэр дэвшигчийн урьдчилсан мэдүүлэг хянагдаж байна.

Өнгөрсөн долоо хоногт иргэн, аж ахуйн нэгж, байгууллагаас ирүүлсэн нийтийн албан тушаалтны авлига, ашиг сонирхлын зөрчилтэй холбоотой 43 гомдол, мэдээллийг хүлээн авч шалгаснаас 8 гомдол, мэдээллийг хянан шийдвэрлэлээ.

Төлөвлөгөөт хяналт шалгалтын хүрээнд 19 албан тушаалтны хувийн ашиг сонирхлын болон хөрөнгө, орлогын мэдүүлгийг шалгаж, 5 мэдүүлгийг хянан шийдвэрлэжээ. Одоогоор 14 албан тушаалтны хөрөнгө, орлогын болон хувийн ашиг сонирхлын мэдүүлгийг шалгаж байна.

"Улаанбаатар дулааны сүлжээ" ТӨХК, "Дулааны 4 дүгээр станц" ТӨХК, "Төрийн орон сууцны корпораци" ТӨҮГ-ын нийт 20 зөрчилтэй албан тушаалтанд Авлигын эсрэг хуулийн 13.8.2, 13.8.3-т заасныг үндэслэн хариуцлага тооцуулахаар албан бичиг хүргүүлэв.

Монгол Улсад бий болсон коронавирус /омикрон хувилбар/-ийн цар тахлын үеийн нөхцөл байдалтай зохицуулан албан тушаалтнаас 2021 оны ХАСХОМ-ийг шинэчлэн гаргуулах үйл ажиллагааг эрчимжүүлэх чиглэлээр тус газраас уг мэдүүлгийг бүртгэх, хянах, хадгалах эрх бүхий  албан тушаалтнууд болон мэдүүлэг гаргагч нарт  онлайн сургалтыг тухай бүр зохион байгуулж, холбогдох албан тушаалтнуудад нэгдсэн заавар зөвлөмж өгч, арга зүйн удирдлагаар ханган ажиллаж байна. ХАСХОМ-ийг шинэчлэн гаргаж бүртгүүлэх үйл ажиллагаа улсын хэмжээнд үргэлжилж байгаа бөгөөд уг ажлын явц 40 гаруй хувьтай байна.
Дэлгэрэнгүй унших
АНХААРУУЛГА: УИХ-ын 2024 оны ээлжит сонгуулийн хуулийн холбогдох заалтын хүрээнд тус сайтын сэтгэгдэл хэсгийг түр хугацаанд хаасан болно.

Улстөр нийгэм

Баянзүрх дүүргийн 8, 38, 39 дүгээр хорооны иргэд Монгол Ардын намаас нэр дэвшигчдийг дэмжиж байна

Огноо:

,

Баянзүрх дүүргийн 8, 38, 39 дүгээр хорооны иргэдтэй Монгол Ардын намаас нэр дэвшигчид ДХИС-ийн хашаанд ашиглалтад орсон шинэхэн хөл бөмбөгийн талбайд уулзлаа.

Гурван хорооны 1500 гаруй хүн цугларсан энэхүү уулзалтад УИХ-ын наймдугаар тойрогт Баянзүрх дүүргийн Монгол Ардын намын дарга, УИХ-ын гишүүн Э.Бат-Амгалангаар ахлуулсан УИХ-ын гишүүн, Хууль зүйн сайд Б.Энхбаяр, УИХ-ын гишүүн Ж.Чинбүрэн, дүүргийн Засаг дарга Н.Баярмөнх нар оролцож, намын мөрийн хөтөлбөрөө танилцуулсан юм.

Тус хороодод гэр хорооллын дахин төлөвлөлт ихээр хэрэгжиж буй. Тиймээс Монгол Ардын намын мөрийн хөтөлбөрт тусгагдсан “20 минутын хот” реформыг иргэдэд дэмжиж буйгаа илэрхийлж байна. Мөн Монгол Улсын Засгийн газраас “Амгалан” дулааны станцын өргөтгөлийг ашиглалтад оруулж, зүүн бүсийн хороодыг төвийн шугамд холбох боломж бүрдүүлснийг онцолж байна.

Баянзүрх дүүргийн иргэд шат шатандаа МАН-д итгэл хүлээлгэсний үр дүнд 2020-2024 онд дүүргийн төсөв 15 дахин өсөж, салбар бүрд хөрөнгө оруулалт бүтээн байгуулалтын ажил өрнөсөн. Тийм ч учраас дүүргийн иргэд цаашид тогтвортой засаглалыг дэмжиж, хийсэн ажил, хэлэх үгтэй нэр дэвшигчдэд итгэл хүлээлгэхээ илэрхийлж байна. Мөн салбар бүрийн төлөөлөл болж, тулгамдсан асуудалд шийдэл, гарц олж, амласнаа хэрэгжүүлсэн нэр дэвшигчийг эхэлсэн ажлаа дуусгахыг иргэд үүрэг болгож байна.

Дэлгэрэнгүй унших

Улстөр нийгэм

Говийн бүсийн иргэд бүсчилсэн хөгжлийн бодлогыг дэмжиж байна

Огноо:

,

УИХ-ын 2024 оны ээлжит сонгуулийн Vll тойрог буюу говийн бүсэд Монгол Ардын намаас нэр дэвшигчид Өмнөговь аймгийн Ханбогд сумын иргэд, сонгогчидтой уулзаж, мөрийн хөтөлбөрөө танилцууллаа.

Говийн бүсэд МАН-аас нэр дэвшигч Ө.Золбаяр “Говь нутагтаа, байгаль эх дэлхийдээ өгөх сэтгэлээр хандах цаг болсон. Тийм учраас МАН 2024 оны УИХ-ын сонгуулийн мөрийн хөтөлбөртөө “Хэрлэн Тоонот, “Орхон Онги” гэсэн хоёр төслийг хэрэгжүүлнэ гэж тусгасан. Энэ төсөл хэрэгжсэнээр нэгдүгээрт, Говийн бүсийн бэлчээрийг усжуулна. Хоёрдугаарт, хөдөө аж ахуйд хэрэглэнэ. Гуравдугаарт, ундны усны хүрэлцээ сайжирна. Хамгийн гол нь эргэж нөхөн сэргэдэггүй гүний усыг уул уурхайд ашиглахаа болих юм” хэмээн онцоллоо.

Бүсчилсэн хөгжлийн бодлогын хүрээнд УИХ-аас Хот, тосгоны эрх зүйн байдлын тухай хуулийн өөрчлөлт оруулсан билээ. Ингэснээр Өмнөговь аймгийн Ханбогд сум 2025 оноос хотын статустай болох эрх зүйн орчин бүрдсэн гэдгийг нэр дэвшигчид тодотгож байв.

УИХ-ын сонгуулийн Vll тойрогт МАН-аас нэр дэвшигч Б.Дэлгэрсайхан “Ашигт малтмал, уул уурхайгаа дагасан энэ бүс нутгаа хот болгон хөгжүүлж, говийн бүсэд амьдарч байгаа олон залуусаа ажлын байртай болгох, залуучууд орон нутагтаа тав тухтай амьдрах, үр хүүхдүүд нь чанартай боловсрол эзэмших, эрүүл мэндийн хүртээмжтэй үйлчилгээ авах энэ бүх асуудлыг шийдэх үүднээс Ханбогдыг хот болгох эрх зүйн шинэчлэлийг хийж өгсөн” гэв.

Монгол Ардын намаас дэвшүүлсэн Бүсчилсэн хөгжлийн бодлого нь хот, хөдөөгийн тэнцвэрийг хангах, бүсийн түвшинд мега төслүүдийг хэрэгжүүлэх ач холбогдолтой, тогтвортой хөгжил рүү чиглэсэн томоохон бодлогын өөрчлөлт гэдгийг нэр дэвшигчид онцоллоо. МАН-аас говийн бүсэд нэр дэвшиж байгаа  нэр дэвшигчийг багаар нь дэмжинэ гэж говь нутгийн иргэд хэлж байв.

МАН-аас нэр дэвшигч Т.Энхтүвшин “Говийн бүсэд экспорт, импорт аль аль нь байна. Уул уурхайн олон компаниуд үйл ажиллагаа явуулж байна. Баяжуулах, боловсруулах үйлдвэр ажиллаж байна. Хангай болон баруун аймгийн олон иргэд ажиллаж, амьдарч байна. Бүсээр хөгжихөд бидэнд юу хэрэгтэй вэ. Өмнөговь аймаг жилдээ 8.0 их наяд төгрөг, Дорноговь аймаг жилдээ 1.0 их наяд төгрөг төсөвт өгч байна. Монгол Улсын төвлөрсөн төсвийн гуравны нэгийг зөвхөн говийн бүсээс бүрдүүлж байна. Тийм учраас бид улсын төсөвт төвлөрүүлж байгаа энэ их хэмжээний мөнгөний тодорхой хэсгийг говийн бүсдээ авч үлдэж, бүс нутгийнхаа дэд бүтцийн асуудал, иргэдийн боловсрол, эрүүл мэндийн үйлчилгээнд зориулан зарцуулах боломж бидэнд байна” хэмээв.

2021 онд “Шинэ сэргэлтийн бодлого” батлагдаж Боомтын хүчин чадлыг нэмэгдүүлэх ажлууд хийгдсэн. Үр дүнд нь манай улс экспортын 5 шинэ гарцтай болж, түүхэндээ анх удаа 70.0 сая тонн нүүрс экспортолжээ.

МАН-аас нэр дэвшигч Б.Саранчимэг “Шинэ сэргэлтийн бодлого”-ын хүрээнд  МАН-ын мөрийн хөтөлбөрт Боомтын сэргэлтийн бодлого маш тодорхой туссан. Хөрш орнуудыг холбосон босоо, хөндлөн чиглэлийн төмөр замыг нэмэгдүүлж, нүүрсний экспортыг 100 сая тоннд хүргэнэ. Говийн бүс нь таван том боомттой. Цаашид боомтын хүчин чадал, тоог нэмэгдүүлж зөвхөн нүүрс зөөдөг биш, байгаль орчиндоо ээлтэй аялал жуулчлалыг дэмжсэн боомт болгон хөгжүүлнэ” хэмээн онцолсон.

Монгол Улсын 21 аймаг, 96 сум, хилийн дөрвөн боомт 7.500 км хатуу хучилттай авто замаар холбогдож “Мянганы зам”-ын бүтээн байгуулалтын ажил дууссан билээ. Одоо 21 аймгийг хооронд нь болон хилийн боомтуудтай холбох “Шинэ сэргэлтийн таван тойрог” авто замын бүтээн байгуулалт явагдаж байна. 

 

 

 

 

 

Дэлгэрэнгүй унших

Улстөр нийгэм

Баянхонгорчууд Монгол Ардын намыг багаар нь дэмжинэ гэв

Огноо:

,

Монгол Ардын намын дарга, Ерөнхий сайд Л.Оюун-Эрдэнэ Баянхонгор аймгийн иргэд сонгогчидтой уулзах үеэрээ  30 жил хүссэн шударга ёсны үзэл санаа, тэмцэл дээрээ үнэн байх, үнэнч үлдэхийг уриалж, авлигачдад үгүй гэж хэлэхийн тулд Ерөнхий сайдын багийг багаар нь дэмжихийг хүслээ. Тэрбээр “С.Зоригийн мөрөөдсөн, манай ахмадуудын итгэсэн Ардчилсан хувьсгалын үзэл санааг бүдгэрүүлж, иргэдийн урмыг хугалж, итгэлийг эвдсэн зүйл бол авлига юм. Ардчилсан хувьсгалын үзэл санаанаас урвасан нөхдүүдэд ард түмэн хүчтэй гэдгээ нотлох хэрэгтэй” гэлээ.  

УИХ-ын сонгуулийн 1 дүгээр  тойрогт Монгол Ардын намаас Г.Занданшатар, Д.Тогтохсүрэн, Б.Батцэцэг, Г.Тэмүүлэн, С.Чинзориг, Г.Ганболд, А.Цогцэцэг, Б.Даваадалай нар нэр дэвшиж байна. Өнгөрсөн 30 жилд бий болсон бүлэглэл, хулгайтай тэмцэхийн тулд энэ нэр дэвшигчдийг багаар нь дэмжихийг Ерөнхий сайд Л.Оюун-Эрдэнэ уриалсан юм.

1072 хувьцааг амилуулж, ногдол ашиг хүртээж, Үндэсний баялгийн сан байгуулж, байгалийн баялгаасаа иргэн бүр өгөөж хүртэх боломж бүрдүүлснийг Баянхонгорчууд талархан хүлээн авч байв. Мөн Засгийн газраас хэрэгжүүлсэн 5Ш ажиллагаа, тусгай сангуудын “хулгай”, гадаад өрүүдийг дарж, эдийн засаг өсөлттэй гарсныг сайшааж, эхлүүлсэн ажлаа үргэлжлүүлж, хүн бүрт тэгш боломж олгосон нийгмийг цогцлооход хүч нэмэхээ илэрхийлж байлаа.

Тус аймагт 2016-2024 онд улсын төсөв болон гадаадын зээл, тусламжийн эх үүсвэрээр нийт 717.3 тэрбум төгрөгийн хөрөнгө оруулалтын төсөл, арга хэмжээ хэрэгжүүлсэн байна. Тухайлбал, дэд бүтэц, нийгэм, соёлын нийт 17 төсөл хэрэгжүүлэхээр төлөвлөснөөс 14-ийнх нь хөрөнгө оруулалтыг бүрэн шийджээ. Аймгийн хэмжээнд 22 сургууль, 8 дотуур байр, 16 цэцэрлэг, 9 сумын Эрүүл мэндийн төв, 15 соёлын төвийн барилгыг барьж ашиглалтад оруулаад байна. Мөн шинээр баригдсан инженерийн шугам сүлжээ болон цахилгаан эрчим хүчний чиглэлээр нийт 12 төрлийн инженерийн шугам сүлжээ болон дэд станцын  өргөтөл шинэчлэлийн ажлыг гүйцэтгэж, Баянхонгор-Шаргалжуут чиглэлийн Өлзийт, Эрдэнэцогт сум хүрэх  54.18 км хатуу хучилттай авто замын тендер зарлаад байна.

Ирэх дөрвөн жилд Баянхонгор аймгийн Баянлиг, Шинэжинст, Баянцагаан сумын нутгаар дамжуулан 223 км төмөр зам барихаар мөрийн хөтөлбөртөө тусгажээ. Мөн Баянхонгор аймгийн төвд дулааны станц барьж, Архангай, Өвөрхангай болон Баянхонгор аймгийн хангайн сумдын нутаг дэвсгэрийг хамарсан Орхон голын сав, Хангайн нурууны экосистемд түшиглэсэн рашаан сувилал, адал явдалт, түүх соёлын аяллын чиглэлийг хөгжүүлэх ШИНЭ Хархорум аялал жуулчлалын кластер бүсчлэлээр хөгжүүлэх юм.

Иргэд сонгогчид чадварлаг, мэдлэг туршлагатай улстөрч, мэргэжилтнүүдээр багаа бүрдүүлсэн хангайн бүсийн есөн нэр дэвшигчийг багаар нь дэмжихээ илэрхийлж, хөдөө, орон нутагт ажлын байр бий болгож, амьдрах, бизнес эрхлэх боломжийг нээж, дэмжихэд чиглэсэн бодлого түлхүү хэрэгжүүлэхийг захьлаа. Ингэж байж Хөдөөгийн сэргэлтийн бодлого бүс нутгийн хөгжлийг шинэ шатанд гаргана гэж үзэж байна гэв.

 

Дэлгэрэнгүй унших
сурталчилгаа
Улстөр нийгэм12 цаг 31 минут

Баянзүрх дүүргийн 8, 38, 39 дүгээр хорооны иргэд Монгол Ардын намаас...

Улстөр нийгэм13 цаг 27 минут

Говийн бүсийн иргэд бүсчилсэн хөгжлийн бодлогыг дэмжиж байна

Улстөр нийгэм13 цаг 30 минут

Баянхонгорчууд Монгол Ардын намыг багаар нь дэмжинэ гэв

Шударга мэдээ16 цаг 26 минут

Хур хог цэвэрлэх ажлыг эхлүүллээ

Цаг үе16 цаг 31 минут

Баянзүрх, Сүхбаатар, Хан-Уул дүүрэг үерийн хамгийн өндөр эрсдэлтэй б...

Улстөр нийгэм16 цаг 34 минут

Пусан хотын Эдийн засгийг дэмжих агентлагийн даргыг хүлээн авч уулзл...

Цаг үе16 цаг 35 минут

Согтуугаар тээврийн хэрэгсэл жолоодсон 51 зөрчил бүртгэгдлээ

Улстөр нийгэм16 цаг 39 минут

Монгол Ардын намын Ерөнхий Нарийн Бичгийн дарга Д.Амарбаясгалан Увс ...

Улстөр нийгэм16 цаг 41 минут

Ерөнхий сайдыг багаар нь дугуйлж, АРД ТҮМНИЙ СОНГОЛТ хийнэ гэв

Улстөр нийгэм16 цаг 45 минут

“Морьтой Аравт” багийнхан Ховд, Завхан, Увс, Говь-Алтай ...

Санал болгох