Бидэнтэй нэгдэх

Улстөр нийгэм

Халдвар авсан иргэдэд шаардлагатай бүх эмчилгээг хийж байна

Огноо:

,

Улсын онцгой  комисс энэ сарын 17-ны өдөр хуралдан Шинэ коронавируст халдвартай холбоотой нөхцөл байдал, хийж байгаа ажил зэргийн талаар хэлэлцлээ.

Халдвар авсан нэг иргэний биеийн байдал хүндэвтэр, хоёрынх нь тогтвортой байна

БНСУ-аас ирсэн хоёр эмэгтэйн биеийн байдал тогтвортой, Москва хотоос ирсэн эмэгтэйн бие хүндэвтэр байна. Дээрх гурван хүнтэй нэгдүгээр зэргийн  хавьталтай 111 иргэнээс шинжилгээ авсан бөгөөд 61-ийнх нь хариу сөрөг гарчээ. ХӨСҮТ-д ажиллах эмч, сувилагч, асрагч нарын тоог нэмэх, халдвар авсан иргэдийн эмчилгээнд онцгой анхаарах зэргийг Монгол Улсын Шадар сайд, Онцгой комиссын дарга Ө.Энхтүвшин үүрэг болголоо.

Эх орондоо ирэх хүсэлт гаргасан, хүндэтгэн үзэх шалтгаантай иргэдийг авч ирэхээр “МИАТ” компанийн онгоц 2020 оны 03 дугаар сарын 18-ны өдөр Бүгд Найрамдах Турк Улсыг зорих гэж байна. Цаашид иргэдийн тоо, судалгааг гаргаж, тусгай нислэгээр авчрахаар төлөвлөж байгааг Шадар сайд хэлэв. Дипломат төлөөлөгчийн болон Консулын газруудын ажилтан, албан хаагчдыг шинжилгээнд хамруулах, гадаадад байгаа иргэдээ халдварт өртөхөөс урьдчилан сэргийлэх чиглэлээр хийж байгаа ажлаа эрчимжүүлэхийг Улсын онцгой комисс чиглэл болгов.

Одоогоор аймаг, хот хоорондын зорчигч, автотээврийн хөдөлгөөнийг хязгаарлахгүй. Их, дээд сургууль, коллеж, МСҮТ, ерөнхий боловсролын сургууль, цэцэрлэгийн үйл ажиллагааг зогсоосон хугацааг сунгах эсэхийг ойрын өдрүүдэд шийдвэрлэхээр болов. Мөн холбогдох яам, байгууллага, аж ахуйн нэгжүүд бэлтгэлээ бүрэн хангасны дараа нүүрс, газрын тосны экспортыг эхлүүлэх эсэхийг хэлэлцэх юм. 

Баян-Өлгий аймгийн иргэний шинжилгээний хариу сөрөг гарчээ

2020 оны 03 дугаар сарын 14-ний өдөр Бүгд Найрамдах Казахстан Улсаас Баян-Өлгий аймгийн Цагааннуур боомтоор орж ирсэн монгол иргэний эхний шинжилгээний хариу сөрөг гарсан тухай аймгийн Засаг дарга А.Гылымхан Улсын онцгой комисст мэдээллээ. Өнөөдрийн байдлаар аймгийн хэмжээнд 133 хүнийг тусгаарлах байранд, 59 хүнийг гэрт нь тусгаарлан, байнгын хяналт тавьж байна.

Бүгд Найрамдах Казахстан Улсад Монгол Улсын 1000 гаруй иргэн сурч, зорчиж байгаа бөгөөд хилээр орж ирвэл Бугат, Сагсай сумын болон “Эмпати” сургуулийн дотуур байранд тусгаарлахаар төлөвлөжээ. Аймгийн хэмжээнд 110 сая гаруй төгрөгийн үнэ бүхий ариутгал, халдваргүйтгэлийн бодис, эм тариа, амны хаалт, хувийн хамгаалах хэрэгсэл байна. Цаашид нөөц бүрдүүлэхэд шаардлагатай 255 сая төгрөгийн асуудлыг Улсын онцгой комисс авч үзэхээр боллоо. Монгол Улсын Шадар сайд, Улсын онцгой комиссын дарга Ө.Энхтүвшин аймгийн Нэгдсэн эмнэлэгт туулах чадвар сайтай автомашин өгөхөөр шийдвэрлэлээ.

Цаашид тусгаарласан иргэддээ байнгын хяналт тавих, тусгаарлах байранд хэт олноор нь байрлуулахгүй байх, иргэдийг аль болох гадуур явахгүй байх, хувийн ариун цэврээ сахих, шинж тэмдэг илэрвэл утсаар зөвлөгөө авах, шаардлагатай бол эмнэлэгт хандах зэргийг зөвлөж байхыг Улсын онцгой комиссоос үүрэг болголоо. 2020 оны 03 дугаар сарын 17-ны байдлаар ХӨСҮТ, Баян-Өлгий, Дархан-Уул, Сэлэнгэ аймагт 37 сэжигтэй тохиолдол бүртгэгдсэн бөгөөд нийт 1335 хүнийг тусгаарлан, ажиглалтад аваад байна.

Дэлгэрэнгүй унших
сурталчилгаа

Сэтгэгдэл

Улстөр нийгэм

Азийн хөгжлийн банкны суурин төлөөлөгч Шаннон Кристин Коулиныг хүлээн авч уулзлаа

Огноо:

,

Хөдөлмөр, нийгмийн хамгааллын сайд Х.Булгантуяа 2024 оны хоёрдугаар сарын 26-ны өдөр Азийн хөгжлийн банкны суурин төлөөлөгч Шаннон Кристин Коулиныг хүлээн авч уулзлаа.
 
Уулзалтаар хамтран хэрэгжүүлж буй төсөл, хөтөлбөрүүдийн хэрэгжилт, үр дүнгийн талаар ярилцсан бөгөөд ХНХ-ын сайд Х.Булгантуяа ирэх сард зохион байгуулах “Алтай дамнасан тогтвортой байдлын яриа хэлэлцээ” чуулга уулзалтанд урьж, хамтран ажиллах талаар санал солилцлоо.
 
Азийн хөгжлийн банк сүүлийн 30 гаруй жил манай улстай хүмүүнлэгийн чиглэлээр тогтвортой ажиллаж ирсэн бөгөөд хөгжлийн бэрхшээлтэй иргэд, ахмад настны чиглэлээр “Хөгжлийн бэрхшээлтэй иргэдийн оролцоог хангах, үйлчилгээг сайжруулах төсөл”-ийг хэрэгжүүлж байна.
 
Энэхүү төсөл нь хөгжлийн бэрхшээлтэй хүний бие даах чадварыг дээшлүүлж нийгэм, эдийн засагт тэдний оруулах хувь нэмрийг нэмэгдүүлэх, хөдөлмөр эрхлэлтийг дэмжихэд чиглэсэн юм.
Мөн ахмад настны урт хугацааны тусламж үйлчилгээний чанар, хүртээмжийг нэмэгдүүлэх, тэдэнд эрүүл мэндийн болон нийгмийн хамгааллын тусламж үйлчилгээ үзүүлдэг байгууллагууд болон хүний нөөцийн чадавхыг бэхжүүлэх, ахмадын асуудлаарх хууль, эрх зүйн орчныг сайжруулах, үйлчилгээний олон улсын сайн туршлагыг нэвтрүүлж, идэвхтэй насжилтын загварыг боловсруулж, нэгдсэн тогтолцоог бүрдүүлж, салбар дундын уялдаа холбоог хангах зорилгоор "Ахмад настанд үзүүлэх урт хугацааны тусламж үйлчилгээг хөгжүүлэх нь төсөл"-ийг хэрэгжүүлж байна.
 
Түүнчлэн Монгол улсын 21 аймаг, 330 сум, нийслэлд идэвхитэй насжилтыг дэмжих төвүүд байгуулахаар төлөвлөсөн бөгөөд энэ нь ахмадыг эрүүл, идэвхтэй насжуулах, ахмад настны суурь хэрэгцээг хангах, сэргээн засах, гэрийн тусламж үйлчилгээ, өдрийн үйлчилгээ, нийгмийн болон боловсролын үйлчилгээ үзүүлэх, ахмад настанд асаргаа сувилгаа үзүүлж байгаа иргэнд дэмжлэг үзүүлэх зэрэг цогц үйлчилгээг туршин нэвтрүүлэх зорилготой юм.

Эх сурвалж: ХНХЯ

Дэлгэрэнгүй унших

Улстөр нийгэм

“Эрдэнэс Тавантолгой” ХК 2023 оны ногдол ашиг олгоно

Огноо:

,

"Эрдэнэс Тавантолгой" ХК-ийн Төлөөлөн удирдах зөвлөл 2024 оны хоёрдугаар сарын 16-ны өдөр хуралдаж, компанийн 2023 оны цэвэр ашгаас нэгж хувьцаанд 266 төгрөгийн ногдол ашиг хуваарилахаар шийдвэрлэсэн. 
 
Компанид онцгой дэглэм тогтоож, олборлолт, борлуулалт, тээвэрлэлтийг оновчтой зохион байгуулснаар үйл ажиллагаа эрс сайжирч, 2023 оны урьдчилсан гүйцэтгэлээр 3.2 их наяд орчим төгрөгийн цэвэр ашигтай ажиллаж, ногдол ашиг тараах боломж бүрдлээ.
 
Ингэснээр 1,072 хувьцаатай Монгол Улсын иргэн 285 мянган төгрөгийн (татвар суутгасны дараа 256 мянган төгрөг) ногдол ашиг хүртэнэ. 
 
Тус ногдол ашгийг санхүүгийн тайлан аудитлагдсаны дараа буюу 2024 оны дөрөвдүгээр сард олгоно. 
 
Эх сурвалж: "Эрдэнэс Тавантолгой" ХК
Дэлгэрэнгүй унших

Улстөр нийгэм

Нийт шүүгчийн хуралдаан, шүүгчдийн зөвлөгөөн боллоо

Огноо:

,

Монгол Улсын дээд шүүхийн нийт шүүгчийн 2024 оны 2 дугаар сарын 23-ны өдрийн хуралдаанаар дараах асуудлыг хэлэлцлээ.

  1. Зон олны нам /ЗОН/-аас ирүүлсэн “намын даргын өөрчлөлтийг улсын бүртгэлд бүртгүүлэх, гэрчилгээнд тэмдэглүүлэх” тухай өргөдлийг хэлэлцээд холбогдох хууль болон тус намын дүрэмд нийцсэн гэж үзэж бүртгэв.
  2. “Монголын Либерал Ардчилсан нам”-ын Ерөнхий нарийн бичгийн дарга Г.Анхбаяраас ирүүлсэн “”Монголын Либерал ардчилсан намын даргын өөрчлөлтийг бүртгүүлэх” тухай өргөдлийг хэлэлцээд холбогдох хууль болон тус намын дүрэмд нийцсэнгэж үзэжбүртгэхээр шийдэв.
  3. Улс төрийн намын тухай хуулийн шинэчилсэн найруулгатай холбоотойгоор “Улс төрийн намын бүртгэл хөтлөх журам”-ыг хуульд нийцүүлэн өөрчилж батлав.
  4. Шүүхийн үйл ажиллагааны нээлттэй, ил тод байдлыг нэмэгдүүлэх зорилгоор зарим хууль тогтоомжийг боловсронгуй болгох талаарх саналаа хууль санаачлагчид хүргүүлэхээр шийдэв.
  5. Улсын Их Хурлын гишүүн Ц.Мөнх-Оргил нарын гишүүдээс албан бичгээр ирүүлсэн Монгол Улсын Үндсэн хуулийн цэцийн тухай болон Үндсэн хуулийн цэцэд маргаан хянан шийдвэрлэх ажиллагааны тухай хуулийн төсөлтэй холбогдуулан Монгол Улсын шүүхийн тухай хууль, шүүхийн процессын хуулиудад нэмэлт, өөрчлөлт оруулах төслийн талаарх саналтай танилцав.

Шүүгчдийн зөвлөгөөнөөр “Монгол Улсын дээд шүүхийн танхимын нийт шүүгчийн хуралдааны журам” болон “Монгол Улсын дээд шүүхийн хяналтын шатны шүүх хуралдаанаар хэргийг хянан шийдвэрлэхэд бэлтгэх журам”-уудын хавсралтад өөрчлөлт оруулах тухай  асуудлуудыг хэлэлцэн баталлаа.

Мөн Монгол Улсын шүүхийн тухай хуулийн 36 дугаар зүйлийн 36.10 дахь хэсэгт заасан танхимын тэргүүнүүдийг сонгох асуудлыг хэлэлцэж, Улсын дээд шүүхийн Эрүүгийн хэргийн танхимын тэргүүнээр Ч.Хосбаяр, Иргэний хэргийн танхимын тэргүүнээр Г.Алтанчимэг нарыг нийт шүүгчийн олонхийн саналаар улираан сонголоо.

Эх сурвалж: Монгол Улсын Дээд шүүх

Дэлгэрэнгүй унших

Санал болгох